احذر تهين النفس لجـل الدنانيـر

السلام عليكم ورحمة الله وبركاته


العذر والسموحه كان غبنا عنكم لكن ضروووف العمل وارجووو منكم


ان تقبلوووا اعتذاري واسفي ......


واترككم مع قصيده للشاعر : فارس ابن عفاس




الوقـت والله مايحشـم المناعيـر
لاهو على كيفك ..ولاهـو بـودّك
تصيربه .. اشياء ماودك تصيـر
والنفس عن شي ٍ يفيدك ... تلـدّك
احذر تهين النفس لجـل الدنانيـر
حتى لو ان الحال بالحيـل حـدّك
اصبر على دنياك ... لو مابها خير
لاتشتكي حتى لو الوقـت ضـدّك
وان حدتك سود اليالي على الغيـر
لاتطلـب الا واحـد ٍ مـايـردّك
عليك .. باللـي عالـم ٍ بالمقاديـر
اليا تعبـت وبيّـح الوقـت سـدّك
وان جات للواجب وجا منك تقصير
مالك نعم ... لو سالم الزير جـدّك
بعض المواقف ..ماوراها معاذيـر
اما بخـدّ العـذر ... والا بخـدّك
ومن قدّرك ... لابد تعطيه تقديـر
ولا تعدّه شي .... مـن لا يعـدّك
ولا تبرر للفشـل .... اي تبريـر
فهم .. وميّز بين ضحكك وجـدّك
للكل ند .... ولا يجي ندّك صغير
اعرف ترى مقياس حجمك بنـدّك
الفكر يطلب عقل والعقـل تفكيـر
والشعر بحر ٍ بين جزرك ومـدّك
والشعر عندي غير كل الشواعيـر
غصب ٍ عليك اليا قريتـه يشـدّك


وسلامتكم


واكرر اسفي واعتذاري .....

عدت وعدت بالممتع والله يعافيك يابن نعيس

معذووور بالقصايد الجميله والجزله اللي نقلتها يالغااااالي


لو كان ودنا ان الطيبين امثالك ما يغيبون لكن مثل مقلت ظروف الدنيا


عموما تحياتي لك

بيض الله وجهك

امعذور ياغالي واسفك مقبول واخ عزيز

صح السانك والسان الشاعرفارس ابن عفاس

تحيااااااااااااااااااتي

غشام نجد


الله يسلمك



ومشكووور على المروورك الكريم


تحياااااااااااااتي

فيصل المسعوودي


الله يسلمك والله ان الجلسه معكم تنشرى

لكن ضروووف العمل


مشكووور على مروورك الكريم


تحيااااااااااااااتي

الدلبحي


وجهك وصح بدنك


ومشكووور على مرووورك الرائع


تحيااااااااتي

مشكور ووجهك ابيض

المرشدي


وجهك والله يسلمك


ومشكووووور على مروووورك الكريم



تحياااااااااتي