خلصنا من ذياب ولا خلصنا منك يامرزوق!!
كبتن عتيبه29-Nov-2005, 08:35 PM
مدير المنتديات اقرب دوك
خلصنا من ذياب ولا خلصنا منك يامرزوق=تعال اقرب ترى الميدان لا يرحم ولا ياوي
وبعد احاسب الشعار يامرزوق ابا اطلع فوق=ابا هنيدس وربعه كلهم روقي وبرقاوي
مرزوق حمدان العتيبي29-Nov-2005, 08:46 PM
:)
الله يخارجنا...
لنا والله الشرف ..
استلم لاعدمتك ....
مناحي يامناحي جعل مثلك مايجيه العوق = ولو انك مسوي مشكله يا اياد علاوي
انا قلبي على مثلك ياكابتن مشتويه الشوق = ولو ماجيت ضاوي كان جيتك قبلها ضاوي
كبتن عتيبه29-Nov-2005, 08:57 PM
انا ليّه شهر ناويك ابا اخذلي معك طاروق=وجات الفرصه اللي للعرب يحكي بها الراوي
مدام أنك مدير المنتدى ياطيّب المنطوق=ورا يامديرنا ماتفرز الشاعر عن الغاوي
الــوآفــي29-Nov-2005, 09:15 PM
مناحي وابو محمد
صح السنتكم
جزالة وبنتابعها
مرزوق حمدان العتيبي29-Nov-2005, 09:17 PM
عسى ربي يسلم راعي المعنى وزين الذوق = صحيح ان المميز والردي ماهوب متساوي
ولا ياللي تعرف السوق قلي وش يجي بالسوق؟ = اكيد المحترف مايستوي بالاعب الهاوي
كبتن عتيبه29-Nov-2005, 09:33 PM
ولا ياراعي الاقفال ليتك تقفل الصنوق=من اللي يامنْ الهندي مع السندي مع الجاوي
وعلّم لي عتابه فيه فالمنشاء رعد وبروق=على رؤوس الجبال اللّي من أول ذيبها عاوي
كبتن عتيبه29-Nov-2005, 09:44 PM
ذيبان
هلا يالغالي
اشكرك على التواصل ومتابعت المحاورات
عساااني ما اعدمك
مطرح البعارين29-Nov-2005, 09:59 PM
مدام أنك مدير المنتدى ياطيّـب المنطـوق
ورا يامديرنا ماتفرز الشاعر عـن الغـاوي
كابتن المحاورة
لا عدمناك
صح لسانك وعساك على القوة
أعذرني يا البناخي يامرزوق
ماني في صفك الليلة
هههههههههههههه
تحياتي
كبتن عتيبه29-Nov-2005, 10:06 PM
مطرح البعارين
فهمتها عللى الطائر....ماشاء الله عليك
تسلم على وجودك هنا وهناك
*
*
يامرزوق تراك عطلتنا عن اشغالنا
راجع لك ياعزيزي
مرزوق حمدان العتيبي29-Nov-2005, 10:37 PM
معليش على التأخير ....
يارائع واستلم...
..
انا باذل جهودي واردع العايل مع المطفوق = ولكن كثرة الاحداث من غربي وشرقاوي
عتيبه عندها العلم اليقين اللي يشق اشقوق = ياكثر اللي ليامنّه ذكرهم صابه اللاوي
مرزوق حمدان العتيبي29-Nov-2005, 10:40 PM
...
الاستاذ ذيبان
..
مشكور على هالحضور ..
تواصل جعله ماينقطع ..
ولاعليك زود ....
.
مطرح البعارين ..
تسلم ياخالي ...
اعتبرك انك في صفي ...
اهم شي وجودك ....
..
:)
.
فراج القرقاح29-Nov-2005, 10:55 PM
...
محاوره ممتعه وممتااازه بمعنى الكلمه
وشعارها كفو كفو
واصلووووووا يالنشاما
مرزوق حمدان العتيبي29-Nov-2005, 11:20 PM
..
.
يامرحبا يالداهيـه
نورت الصفحه بوجودك ..
..
عزيز وغالي ولاعليك زود ...
الشمالي الغربي30-Nov-2005, 12:00 AM
الكبتن مناحي ومرزوق الله يسعد مساكم
شعار وربي وربكم الله
سلمتوا ودمتوا وليت الشعار كلهم مثلكم
تحياااااااااااااااااااااااتي لكم
كبتن عتيبه30-Nov-2005, 12:26 AM
عطوك البشت يامرزوق مير البشت فيه فتوق=تحضّرا يالعتيبي وانت عام العام بدّاوي
تجي فالقوم يامرزوق ولا فالغنم والنوق=حدا الامرين ..واللي راح فيها حضرة الشاوي
كبتن عتيبه30-Nov-2005, 12:29 AM
الداهيه+الشمالي الغربي
حياكم الله يالنشاما
((الدلبحي))30-Nov-2005, 02:15 AM
محاوره تحمل الكثير من الرموز
واصلوا الله يعافيكم
صح السنتكم
تحيااااااااااااااااااااااااااااااااااتي
مرزوق حمدان العتيبي30-Nov-2005, 09:03 AM
الله الله
..
لبست البشت ضافي والبلا في قلبك المحروق = يابو قلب ٍ مثل قلب الذي في مبركه ثاوي
يقولون العرب ماكل من يطرد ترى ملحوق = ولو تقدر تنوش اسهيل عانه بالسماء ضاوي
مرزوق حمدان العتيبي30-Nov-2005, 09:04 AM
..
.
الشمالي ..
الدلبحي كل الشكر على تواصلكم ..
..
الفراهيدي30-Nov-2005, 11:14 AM
ياسلام ياسلام
الله يعطيكم العافية
كبتن عتيبه30-Nov-2005, 12:52 PM
الفرااااااهيدي
يامرحبتين
نورّت المحاوره بوجودك
كبتن عتيبه30-Nov-2005, 01:20 PM
الله الله
يامرزوق العتيبي لا يجي فالعلم لزم حلوق=يحول فوق راسك نجم من وسط السماء هاوي
من أول كنت راعي برّ لا سابق ولا مسبوق=وذالحينه قربت من البحر وألياك برماوي
مطرح البعارين30-Nov-2005, 01:35 PM
الكابتن مناحي
مبروك اللقب
وتستاهله ياكابتن
تحياتي
مرزوق حمدان العتيبي30-Nov-2005, 04:04 PM
...
.
الله الله
---------
انا خوفي من الله مايخوفني ولا مخلوق = تهددني ياكبتن واعرف انك مانته بقاوي
ليا جات الشدايد سقت روحي للمخاطر سوق = ياراع الموتر اللي كسره مع درب صحراوي
كبتن عتيبه30-Nov-2005, 07:11 PM
طيب.. طيب
يابو زاروق تيّار البحر لا يقلب الزاروق=ترى فرعون قبلك طاح جوف البحر متساوي
تخطبون العشيقه والعشيقه جالها معشوق=ومكّه مايعرف دروبها ياكود مكّاوي
مرزوق حمدان العتيبي30-Nov-2005, 07:42 PM
:)
مبدع ياسي كبتن ..
من عندي الله يعطيك العافيه ..
وصح لسانك ...
ونلتقي في وقت اخر ....
ياكبتن روق خل البحر للبحار بالله روق = ترى اللي مايعرف البحر يمسي مزهبه خاوي
يخطبون الفتاه ارجال لكن بالرجال فروق = وانا ماودّي اجرح خاطرك يوم انت هيلاوي
مطرح البعارين30-Nov-2005, 08:49 PM
وانا ماودّي اجرح خاطرك يوم انت هيـلاوي
!!!!!!!!!!!!!!!!! يا طيبك يامرزوق طيباه !!!!!!!!!!!!!!!!
كبتن عتيبه30-Nov-2005, 10:39 PM
مرزوق العتيبي
تلتقي على الرحب والسعد
تشرفنا بلقاءك
ولنا موعد اخر بإذن الله
الايداء101-Dec-2005, 01:47 PM
,
,
الله
الله
كيف فاتتني
هالمحاوره الممتعه
بين الشعراء الممتعين ..
وحنا ماحنا متابعين ....
,
يالربع
كرروها والصفوفو أزهلوها ..
مرزوق حمدان العتيبي01-Dec-2005, 02:02 PM
!!!!!!!!!!!!!!!!! يا طيبك يامرزوق طيباه !!!!!!!!!!!!!!!!
مطرح البعارين
الطيّب والله انت يا ابن العــم..
شاكر ومقدر شعورك ...
مرزوق حمدان العتيبي01-Dec-2005, 02:04 PM
...
.
كيف فاتتني
هالمحاوره الممتعه
بين الشعراء الممتعين ..
وحنا ماحنا متابعين ....
مافاتك الا الشر يابو تركي ..
هلابك الف ..
.
اللطّــام01-Dec-2005, 02:34 PM
الله ينصــــــــــــــــــــر دينـــكم
على هالمستــــــــــــــــــــــــــــــوى الراقــــــــــــي
ولاهــــــــــــــــــي غريبـــــــــــــــه من ابنـــــــــــــــــاء قبيـــــــلة عتيبـــــــــــــه
اهل الشـــــــــــــعر والفخـــــــــــــر والظفـــــــــــــــر.
الايداء101-Dec-2005, 02:37 PM
مافاتك الا الشر يابو تركي ..
هلابك الف ..
,
مايجيك الشر يابو محمد..
مرزوق حمدان العتيبي02-Dec-2005, 12:44 AM
...
.
اللطام ... واليداء ....
الشكر لكم دايم يتكرر..
شكرا لكم على الاطراء .... ولاعليكم زود ...
..مغليكم ...
