راسك وراسي يامرزوق

السلام عليكم ورحمة الله وبركاته


الله يمسيكم بالخير يالربع كلاً بأسمه



سلامي سلام إسلام ياربعنا الغالين=يقوله عتيبي (ن)يسلم على عتيبه
انا اشوف مرزوق العتيبي يلد العين=بعد عارضه من كبر سنه بدا شيبه

عليكم السلام يالشمالي الغربي

وصح السانك

وننتظر ابومحمد ليكتمل الابداع


تحيتي وتقديري

...
..
.

وعليكم السلام ورحمة الله وبركاته
مرحبا الف يابو خالد


هلا مرحبا ترحيب وافي وفالك زين = ترى الشهم مثلك يامحمد نهلي به
تعايب خويك ليه ؟ قلي يابو جيلين = وهو نظرته ماجابها الشك والريبه

معكم معكم
وين الشعااار
واصلوووووووووووووا

,
,,

طيب طيب
يالشعار صحت
السنتكم,

أبو محمد
الا ليت الشباب
يعود يوماً ؟

رائع

واصلووووووووووو

000
00


الله الله عليكم ياثنين


دائما نجد نكهة الابداع عندما تلتقيان



وااااااااااصلواااااااا ولكم متابعتنا



مودتي

.

صح السنتكم


واصلووووووووووو


طاروووووووووووووق رائع

يدوم البقاء واللي قسى فى الليال يلين=وانا خابر ان الطيب شرواك يحريبه
انا ماتعايبتك لكن العلوم تبين=الك قلب تصبح به والك قلب تمسيبه

خالص شكري وتقديري لجميع الأخوان المشاركين معنا

كلامك غريب ولا عرفنا يجيك منين = انا افهم رفيقي حين ما اسمع هناديبه
ولكن سقها واجرد السيف ابو حدين = وماجا ببالك ياطويل الشنب جيبه

يا سلام عليكم

محاورة كبار

متابعين لا هنتوا

...
.

بالجميع نقول يامرحبا..
اشرقت الصفحه وتعطرت بحروفكم
لاهنتم....

للجميع جزيل الشكر .. بدون استثناء ....

يامرزوق لاتنكر ونطلبك حلف ايمين=ترى السالفه ماهيب طرق(ن) تغنيبه
تحاول تبا سرق العرب والعرب صاحين=لو الضيف مايطمع بحلة معازيبه

انا مااجحد الواقع واحب الكلام الزين = ورجلي طريق ٍ يرفع الراس تمشي به
ولاهوب طبعي سرقة العالم الممسين = ولكن علامك تخطي العلم وتصيبه

تحب الكلام الزين لكن بين وبين=تبسم وانا خابرك بسنون تركيبه
ترى اللي يقص الدرب يعرف طريقه وين=ومن لايقص الدرب يقبل ويقفيبه

وانا خابرك رجال تلعب على الحبلين = وصاحبك لاقفا قمت تشذب عراقيبه
تخيل البروق اللي تكاشف لها اسبوعين = ولالك حلال ٍ حروة السيل تنويبه

تحاول تشوه سمعتي ياغراب البين=وانا ما اعرف النمه وانا ما اعرف الغيبه
ترى ماخلق مخلوق في داخله قلبين=تعوّذ من الشيطان لا اجيك بمصيبه

حقيقه ماقول انك بكل المزايا شين = ولكن قلبك فيه شيّ ٍ معشي به
تركد على هونك وخل الحكي بهوين = انا مثلكم لو ضيّع الدرب ماسطيبه

وانا خابرك ما انته بغاوي من الغاوين=تلوى وكن العلم ما انته بداريبه
عسى الله يردك للهدى مير قول آمين=طريق الشقا ماانته بمجبور تمشيبه

صح لسان
الشاعران
مرزوق و
الشمالي الغربي
متابعين

ربـــــــي وربكـــــــم الله :)
والصـــــراحه مبدعيــــن وشــــعار معتبــــرين .

:)
الله الله عليك يابو خالد
اسسسستلم ....

انا خابرك هاك السنه في بلاد حسين = لك اعلان مع صورتك ترسل مناديبه
وانا من فضل ربي غني ما تبع المقفين = وشي ٍ مردّه ينقص الرجل مالي به

...
.

سعد الكريزي
واللطام ... مرحبا بالغالين
شرفتوا ونورتوا الصفحه والله اني صادق..
الف شكر ..
...

وانا خابرك تختم جوازك على برلين=واشوف السفير اتحط يمناك في جيبه
عسى الله يمنا وش ترجى ورى الخمسين؟=ياشايب ترى مكسبك فرض(ن) تصليبه
الختم من عندك يابو محمد

تشرفت باللعب مع شاعر كبير بمستواك وحقيقه مكسب كبير لي

صح لسانك وبيض الله وجهك والعذر والسموحه


شكري وتقديري لك ولجميع اللاخوان الذين شاركونا..

ياجدي عسى الله يحفظك وش ورى الستين = سوى شوف عزرائيل جايب كلاليبه
وانا لوبغيت اللي تقوله علي اهوين = ياهونه علي ان قلت اجيبه ترى اجيبه

الشرف لي يابو خالد معرفة شرواك اولا
وباللعب مع العمالقه امثالك ..
لك صادق الود ..
...