ياولي الكون ياجزل العطيه((للشاعر مرير الحبيل))وصف

هذه قصيده من اروع القصايد فالوصف للشاعر مرير الحبيل



يا ولي الكون يا جزل العطيّه =طالبينك فزعتك في كل شدّه
انصر أهل الدين واصلح كل نيّه=ومن جهل فالدين للإسلام ردّه
واجعل الدنيا على المسلم رخيّه=وكل بابٍ ما يفيد الدّين لدّه
انته المنّان خلاّق البريّه=وانته اللّي من جهل دينك تردّه
وانته الراعي وحنّا لك رعيّه=وانته اللّي تقصر الأجل وتمدّه
ما تهيأ يا ولي الكون هيّه=يا عظيم كاشفٍ عبدك وسدّه
يا بنات الفكر دقن لي تحيّه=ان بغيتن غصب وان جيتن مودّه
مثلما تضرب تحيّه عسكريّه=حضّرن عندي علومٍ مستجدّه
وصفن المعنى مثل صف السريّه=وكل واحد خلن الثاني يشدّه
صفّن القيفان صفّه بالسويّه=ويتبين كل قافن من مشدّه
وعقب هذيه وهذيه وذيّه=جايبٍ لي حبلٍ لا شرّق نمدّه
رابط لي بداخله عشرين ليّه=كل ليّه من وقع فيها تشدّه
وكم قافن ما نرده عن نويّه=وكم قافن نلحقه حتى نصدّه
وراكب اللي ماورد فاللكون زيّه=جيبٍ أسود مصدره من يم جدّه
فاللزوم اطيب خويٍ مع خويّه=وللنظر في مدحت الفكس آر لدّه
التفت للوصف وآخذ لي شويّه=طاريٍ لي من وصوف الجيب ردّه
كن خشمع لا اعترض خشم لمطيّه=وشمعته في مقدمه كبر المخدّه
وكن زوله راس ملحاً دوسريه=تلتفت يوم اوحت الراعي يودّه
والقزازه لونها ميهاف فيّه=وكن زيقه يقسم البيبان قدّه
كن خطّه في جنوبه سلب حيّه=تقل حرٍ يوم صقاره يهدّه
زين مشيه في الخلي الأصرميّه=من وراء عرق النفود المستمدّه
مع صلاة العصر والا في ضحويّه=ولا احتسى له راعي المشوار عدّه
كن جلده لا انطلق جلد برديّه=وعقبه الطاروق للمعنى نردّه
ورتمها العنبر وعود الجاونيه=وريح هيل وريح مسك وريح ندّه
وكل رجلٍ مؤمن يذكر نبيّه=وكلكم صلّوا على المرسول عدّه

اختيار في قمة الروووعه يابو نجر



الله لا يهينك ويسلمك يالذيب



اخوك

نعم نعم..

صح السانك يابونجر وصح السان شاعرها...

وتحياتي

ابونجر


لاهنت على النقل

صح الـســـان الشاعر مرير الحبيل

بيض الله وجهك


رائعه من رائع


لاهنت يالغالي


تحيااااااااااااااااااااااااااااااااتي

كل من سجل مشااااااااااركه



بهذه الصفحه مشكوووووووووووور جزيل الشكر


وشكراااا على المروووووووووور




تحياتي