المطوع لويشوف خديد ساره

والمطوع لو يشوف خديد ســــــاره طبّق المصحف وعجّل بالصلاتي

--------------------------------------------------------------------------------

للشاعر ــ محمد ابن فهاد القحطاني المعروف بــ ابن حصيص



هيّض ابن حصيص في تالي نهاره **=* ألف قاف ٍ في ضميـره مدلجاتـي

ياوجودي وجــد مكسـور الجبـاره *=** آخـذ ٍ تسعيـن ليـلـه مايبـاتـي

أو وجود اللي خذا الحاكـم ديـاره **=* خـذ حلالـه والحريـم مسلّباتـي

عقب ماهو تاجر وراعـي أمـاره *=** صـار فـلاح ٍ وامـوره هيناتـي

أرتحل يـا فهيـد منبـوز الفقـاره **=* آركـي وحبـال كـوره كالفاتـي

آركي ومربّـع ٍ عشـب القـراره *=** ما علاه الشد من عشـر سنواتـي

ديرة ٍ ( ...* ) ما فيهـا صقـاره **=* غيـر شيبـان وعجـز محندباتـي

من خشوم ( ..*.) لي حد الزباره *=** جعل تمحـل والوشـوم مربعاتـي

صاحبـي بالوقـف مدهالـه وداره *=** ما سكن فـي ( ... *)والاّ (..*.)

ولعتني بالهـوى والزيـن سـاره *=** دلهتنـي عـن غناديـر البنـاتـي

يا حسايف بنت ذاك الجار سـاره **=* عند ابوها تـدّرجْ مثـل المهاتـي

ريق ساره مثل سكر في غضـاره **=* أو حليب ابكار عـرب مسمناتـي

والنهيد زبيدي ٍ فـي دعـب قـاره **=* في محير الماء القراح مصلّعاتـي

والثنايـا قحويـان فـي زبــاره *=** زاهي ٍ نبتـه علـى كـل النباتـي

راس ساره ذيل شقراً وسط غـاره **=* والجدايـل بالرشـوش مجدلاتـي

والمطوع لو يشوف خديـد سـاره *=** طبّق المصحف وعجّل بالصلاتـي

ما ذكر جار ٍ ذبح بالحـب جـــــاره *=** بالمبيسـم والثنـايـا المرهفـاتـي

لايمي فاله حنيـش ٍ فـي مغـاره **=* سمّها يشظى العظـام الصالباتـي


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

* مابين الأقواس أسماء مدن لم أرغب في ذكرها.

مع التحـــــيـــــــة للجمــــــــــــــع ،،،

منقول

...
. بيض الله وجهك على ايراد
هذه القصيده والتي كنا نحفظ منها هذالبيت
الذي لم نكن نعلم من قائله ..
...
اخوك ...
.

ّ

بيض الله وجهك يا ثعلي ..

وصح لسان شاعرها ..

بيض الله وجهك اخوي ثعلي
تقبل مرور اخوك البراق

مرزوق العتيبي
أبو نجر النفيعي
البر اق

شكرا لمروركم