محاوره بين حزام العصيمي ومحمد بنطمحي

حزام العصيمي
هلا يامرحبا ترحيبتـاً تسبـق هبـوب النـود
بابن طمحي وأبن طمحي عريب جدود وسنافي
عسى الله ينصر الأمه وينصر راية ابن سعود
محمد دون ميقافـه وأنـا مـن دون ميقافـي

محمد ابن طمحي
يدوم الك البقا ياللي تراحيبك بدهـن العـود
ودهن العود لأصحاب الوفا يالصاحب الوافي
نشاركّ الدعا والدين وأهله حظهم فـي زود
وميقافي وميقافـك سـوا ماعندنـا خافـي

حزام العصيمي
ثمان سنين وأنتم تخلطون الملح والبـارود
تمنون وتحرونـه متـى يلفيكـم اللافـي
لفاكم فارسً مافيـه مثلـه ورع ولا عـود
وأنا مدري وش الأسباب عرضتوه الأكتافي

محمد ابن طمحي
تمنينا مثل ماقلت ميـر الخيـر فالموجـود
أحد فارس وأحد حارس وأحد للسلم صرافي
ليا جا من يفرّحنا بذلنـا لأجلـه المجهـود
ولا ياللي تشره وش معكر جوك الصافـي

حزام العصيمي
أشوف العد غلّق ماه والعالم علاه ورود
وأنا وياك مانبغى الورود تروح عيّافـي
ليافكرت فالدعوى وفي جور الليال السود
ترا سيف الزمن مايحتزم به غير سيافي

محمد ابن طمحي
على الذكر القديم الناس تارد والسلف مردود
لكن العد باقـي فيـه جمـاً للعـرب كافـي
كلامك صدق مير الناس كلاً له هدف مقصود
أحد حقق هدف وأحد تلحّف بشته الضافـي

حزام العصيمي
أرى الخيمه لها قيمه وأرى بيت الشعر مهدود
وهذا الواقع اللي مايناسـب كـل الأطرافـي
ترا النكبه كلام الكاهنـه ولسانهـا الممـدود
تعدّل خطها المايل ولبست ثـوب الأشرافـي


منقوول

يعطيك العافية

الله يعطيك العافيه محاوره راااااائعه

لفاكم فارسً مافيـه مثلـه ورع ولا عـود
وأنا مدري وش الأسباب عرضتوه الأكتافي

ليا جا من يفرّحنا بذلنـا لأجلـه المجهـود
ولا ياللي تشره وش معكر جوك الصافـي

الله الله الله

مشكور يالعصيمي على النقل ,,,,

مشكور

والله يعطيك العافيه