سلام الله سلامن فيه للشعار فرك خشوم

سلام الله سلامن فيه لشعار فرك خشوم=ورسمن للحقايق والحقايق عند راعيهاا
نبا نعلب ولا نتعب ولا نحسب كبير القوم=على قول المثل والي يسرحهاا يضويهاا

صح السانك يا محااااارب

انا ابرد علااك بس حاضر بحاضر


هلا يا مرحبا ترحيبة لكن صح النوم

ترى الشعار قدمك وانت ما تقدر تحديها




ياراعي السيف سيفك ما لقانا في شباه اثلوم


لكنك لا تكحـل عينــك االخرسـا وتـعمـيها

...
.
يالله حيهم ....

محارب الزله وذيب .. صحت السنتكم والى الامام..
مودتي
...

هلا يامرحبا والوسم طارف والسهل موسوم
تفرج فى الرعود اللي على راسك حراويها
ترانا يامحارب بالحرايب فزعة المضيوم
ليا شفنا البيوت العايله نقصف مبانيها

يدوم الك البقا واسمع وطاوع لا يجيك اللوم=قبل لا تكبر الحمله ولا تقدر توطيها
الا منك لقيت السيف سوى فالعباه قسوم=وتمسي بعدها عريان وعتيبه تناديهاا

طيب طيب يا محاارب

استلم



الا يالطاير القاصر ولا يا المعدم المحروم


تشد ايديك يا رجال وان جيناك ترخيــها



لو ان السيف شاطر بان فعله في رقاب القوم


لكنـك تنقـل اسيـوف ولا تقــدر تحنــيها

الا ياذيب ويش تجيب لك من طيب يا مظلوم=وظالمك الزمان ودنيتك زادت بلاويها
الا يا حظك المنكوب الايحظك المشؤوم=رماك الله مابين السيوف وبين وليهاا

لو انك تفرق اليشموم من ريح البصل والثوم


كشفت العله اللي في ثناياء البيت مخفيها



لكنك لا تكبر لقمتك وتسكر البلعوم


وتصبح عبرة للناس قاصيها ودانيها

اناا بنشدك عن علة عجوزن ماعليها اهدوم=تعرى فالعرى وان لبسوها شفت مافيها
وانا با سمك في وسمن وتغدي بعدها موسوم=ولو تغدي عليك الوسم مايخلف مواريهاا

ترىالشيطان الاكبر ينثبر ون قام سبع رجوم
هدف للمسلمين اللي صلات الله تصليها

تفارسك الذيابه والعشاء من بينها مقسوم
تشب النار واليوم انحرقت بجمر صاليها

الاخ محارب الزله تحياتي لك لكن البيت موسوم سبقناك عليه (سرى)
تقبل تحياتي

صح السانك يا محارب

تشرفت باللعب معك






انا ما اقول قا صر معرفه يا مصدر المرسوم

لكنك ريح النفس الشقيه لا تعنيها


اظن الوسم في خدك مضى له يا محارب يوم


على ما قالو الورعان يا محارب دربيها