الرئيسية «
شعر المحاورة «
ابن عاصم مزهب بندقه ومركز النيشان = لكنها ثورت فخباه ياربي لاتبلاني {سعود العصيمي}
ابن عاصم مزهب بندقه ومركز النيشان = لكنها ثورت فخباه ياربي لاتبلاني {سعود العصيمي}
قوي العزوم04-Apr-2008, 11:58 PM
ولا يا سعود بالله قوم ابا هرجك فالميدان = واسولف معك وانته قرم يالاحي ياليحاني
ابن عاصم مزهب بندقه ومركز النيشان= لكنها ثورت فخباه ياربي لا تبلاني
سعود العصيمي05-Apr-2008, 01:38 PM
اسنلم
هروجٍ داخل الميدان لاهل الخيل والفرسان =وانا معرفك جعلك فارسآ لاجوك فرساني
ابن عاصم ليامنه رمى يرمي على الذرعان = وبرهن كلمتك لكنت صادق مانت غلطاني
قوي العزوم05-Apr-2008, 01:47 PM
استلم
انا شعري بميقافي يجملني مع العربان= ماني بلي يلالي كل ليله ليل ياداني
انا لا جيت ابهرج يالعتيبي جبت لي برهان= ماني بلي يقدم حجته من دون برهاني
معجب العتيبي05-Apr-2008, 02:02 PM
الله الله
قوي العزوم صح لسانك
سعود العصيمي مبدع كعادتك والصف صفك ولايهون قوي العزوم
قوي العزوم05-Apr-2008, 02:05 PM
صح بدنك يا معجب
وصفي وصف سعود واحد
وشكرا
سعود العصيمي05-Apr-2008, 02:07 PM
كلامي واضحٍ ماقلت الك مخطي ولا غلطان = ولاكلفت اعلم لي عمي لكان عمياني
تفضل عطني علومك واخذ مردودها مليان = لكنك لاتفكر يابيض الشارب تحداني
سعود العصيمي05-Apr-2008, 02:10 PM
مرحبا
ومسهلا
يابو سلطان
والصف يتشرف بك
ومثل ماقال قوي العزوم
الصف واحد
معجب العتيبي05-Apr-2008, 02:10 PM
لكنك لاتفكر يابيـض الشـارب تحدانـي
لكنك لاتفكر يابيـض الشـارب تحدانـي
لكنك لاتفكر يابيـض الشـارب تحدانـي
انتبه ياقوي العزوم هههههههه
سعود العصيمي05-Apr-2008, 02:50 PM
قووي العزوم
وين غديت
الليل
سعود العصيمي05-Apr-2008, 02:58 PM
قوي العزوم
وراك سجلت خروج
بندر المرشدي05-Apr-2008, 08:31 PM
صحت السنتكم وبيض الله وجيهكم
سعود العصيمي08-Apr-2008, 09:59 PM
بندر المرشدي
ووجهك ابيض يابن العم
وصح بدنك
مودتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
