البارحه

البارحه ياسعود في تالي الليل

قعدت من نومي افكر لحالي

ونته على بالي لك ايام وتخيل

والحين جاك العلم ياسعود خالي

وزنتلك شعري على الصاع والميل

كله على شانك كريم السبالي

اليا نطمت الحرف ازنه فالكيل

وليا نقص يرجع فوسط الكيالي

ومتى يانجد انتي تسيلين بالسيل

واطلع انا وياك روس الطوالي

ثم بعدها ياسعود كيف الرياجيل

هات الوجار وصف جنب الدلالي

وقال المثل من يجهل البن والهيل

خله يولي ياطويل الحبالي

ثم بعدها ياسعود جر المواويل

واللي طرالك ياصحيبي طرالي

وهذي بيوتي ساريه كنها الخيل

وقال المثل خيل الاصيلات تالي


الشاعر/

فالح بن مسيب الدحيلي

ثلاث مشاركات نقلت للارشيف
بسبب تجاوز الحد المسموح به ..
3 مشاركات فالقسم يومياً ..

...
هذه ملاحظه
وصح لسانك وبيض الله وجهك ..

وجهك ابيض يالغالي


مرور جميل

صح لسآنك وبيض الله وجهك يالغآلي

ننتظر جديدك

محبك

,’

..

صح لسانك يابن مسيب ..

وبيض الله وجهك على رحابة صدك ..

:)

أخوك