الشاعر السداد!!
سفرالبرقاوي09-Mar-2010, 01:51 PM
كل عام وانت طيبين اول مشاركه
واللي قريب يتفضل
سلامي عليكم ياهل المنتدى البراق = سلام ٍ نسوقه للرجال المطاليقي
نبي شاعر ٍ ماهر ومعها وسيع اخلاق=رفيق ٍ ينومس صاحبه حزّة الضيقي
فهد الشيباني09-Mar-2010, 02:10 PM
وانت طيب .. وحياك الله
هلا مرحبابك ياسفر ملي الاوراق = تراحيب شاعر حسب نص المواثيقي
يجيك الخبر مثني عقب نجمة الاشراق = يجوز ان بعد القول ماتبلع الريقي
فهد الشيباني09-Mar-2010, 02:32 PM
وين رحت ياسفر .. الهمام ...
سفرالبرقاوي09-Mar-2010, 03:01 PM
البقاء والله يسلمك
واستلم
تراني يابن شيبان بالملعبه ذواق = وادّور على رجل ٍ سنافي وذويقي
رفيقك تعود يحفظ العهد والميثاق = ولكن معاكم كيف حال المواثيقي
متعب المقاطي العتيبي09-Mar-2010, 03:15 PM
ياسلام ياسلام
صحت افكاركم
متابعين والصف صفك يـــ بن شيبان
ولا يهون اخوي سفر
عيد بن مرضي09-Mar-2010, 03:16 PM
يا سلام ...
سفر البرقاوي - شبل شيبان
صحت الالسن والقلوب ... ونبغى نشوف الضرب فـ / الصميم :) ههه
ودام ندواي في صفك يا شبل شيبان ... انا في صفك يا سفر البرقاوي
وتراني متابع للطاروووووق
سفرالبرقاوي09-Mar-2010, 03:51 PM
صح ابدانكم جميع
عيد بن مرضي
بيض الله وجهك
والصف يزهابك
تحياتي
فهد الشيباني09-Mar-2010, 04:51 PM
ياسلام ياسلام
صحت افكاركم
متابعين والصف صفك يـــ بن شيبان
ولا يهون اخوي سفر
صح بدنك يانداوي .. والصف يزهابك ..
فهد الشيباني09-Mar-2010, 04:54 PM
يا سلام ...
سفر البرقاوي - شبل شيبان
صحت الالسن والقلوب ... ونبغى نشوف الضرب فـ / الصميم :) ههه
ودام ندواي في صفك يا شبل شيبان ... انا في صفك يا سفر البرقاوي
وتراني متابع للطاروووووق
حياك الله ياعيد
وصح بدنك .. وتشريفك اكبر شرف ..
فهد الشيباني09-Mar-2010, 05:12 PM
انا لازم اوثقك باوثاق واوثاق = على شان ما تغرق في بحرن عميقي
ترى الرجل لاواعد يلازمه الاصداق = وان اخلف وعوده ماايجيلي صديقي
فرهودي09-Mar-2010, 06:01 PM
الله الله
سفر البرقاوي صح لسانك الي رضاك
وشبل شيبان صح لسانك الي رضاك
متابع
سفرالبرقاوي09-Mar-2010, 06:39 PM
مواثيقنا وحده وتبرم بدون اوراق=ونضفي على الميثاق ملبوس ٍ يليقي
لكن انتبه للرجل من لحظة المزلاق = وطالع بعينك فالجبال الشواهيقي
فهد الشيباني09-Mar-2010, 07:34 PM
اسف على التأخير ..
ترى كثر الاعاده يسبب لنا ارهاق = ما نجهل كلامك هذا قولن حقيقي
ترى السيف لاصدا يبيعونه الاسواق = ومثلك يحسب انه سلكله طريقي
فهد الشيباني09-Mar-2010, 07:34 PM
سفرالبرقاوي09-Mar-2010, 08:54 PM
اعرفك قوي الباس مع يبسة الارياق = لونك مقصر في بيوت الطواريقي
كلامك على وجه الحقيقة ترا مالاق= لاصدى ترا ماله مع الناس تسويقي
بيض الله وجهك
والختام من عندك
وتصبح على خير
فهد الشيباني09-Mar-2010, 08:57 PM
ما بعد اختامك ختام ... صح السانك .. وابيض وجه ..
وما تشوف شر ..
