سلام حدت سيوف وبندقن تنشرا !!

مساكم هجاد :)





من شاعرن عزوته فمطير حمر العيون=سلام حدت سيوف وبندقن تنشرا
في ميقافن معتبر مافيه ضحكة سنون=تبا تبين فعول مطير بين البرا

في ميقافن معتبر مافيه ضحكة سنون
تـبـا تبـيـن فـعــول مـطـيـر بـيــن الـبــرا




ونعم ونعم ،، وكفـو ،، :)



مير قدمك هضاب نجد شعَار الهيلا :)



صح لسانك أخوي عزيَز،،



وننتظـر قبيلـك ،، وأنا في صفًه ،،




متآبع !!

ارحب يا اسير القوافي

وصح بدنك و ماعليك زود والهضاب ابهدمها لك هالحين ههههههههههه

لا هنت على مرورك الراقي

تحياتي لك

من شاعرٍ عزوته في مخلفين الظنون=يا مرحبا ضرب شرفاً من رجال اخبرا


حنا عتيبه هلا الوقفات لو تعلمون=إن كان تبغا المواقف يا المطيري ترا

ياسلام عليكم < تحممممس ويباها تثور

هونوها يارياجيل أنتم وراكم تهاوشون

ترى المحكمه قريب :)

ايييييييييه . ناريه بين مطير وعتيبه

في انتظارها تولع ..

لاهنتوا

ايه هذا الكلام >> يبيها تخرب !!

,,

صحة الألسن والقلوب .. وانا بصف إبراهيم ولايهون المطيري !!

,,

ولي باك :) !!

الليل الصفوف تعبت هههههه

لن كان عندك على الغزوات حب وجنون=ماتعرف الموت ماميّز غنا وفقرا
تخضع لنا روس قوم وترتجي للمتون=وتحب كتف الدويش وتنحني للثرا

مطيري بينكم

امسك الصف يا مال الشحم لا تورطني الحالي:)

ولد عساف

صح بدنك مير حضر الما للجذع لا يهلك هههههههه

طلق الحجاج

شكلك متحمس مير انتبه لا يجيك من ثور البنادق شي هههههههههه

لا هنت على مرورك

فايز العتيبي

لا هنت على مرورك

المطيري


والجذع



صحة الالسن


متااابع

ما عندكم يا المطيري غير جر اللحون=والشك والريب ما جنب عن اهل القرا


يا كم نهينا العبادل مير ما ينتهون=الروس تخضع ليا شافت عزيز ادبرا

صحت الالسن

ومتابع مستمر

قواكم الله

مساكم هجاد


مساك لطم عايل:cool:


صح لسانك يالجذع وصح لسانك ياعزيز

يالجذع أبنصحك قرّب لي وترخ الأذون=مطير فوق الثريا فالعلا منبرا
ما اقول غير أن سم مطير بين الضعون=صرتوا كما ضان بين البيع والمشترا

معجب العتيبي

صح بدنك ولا هنت على مرورك المشرف

عبدالله الاسعدي

صح بدنك ولا هنت على مرورك ومتابعتك

اخو جوزا

اداري ما اقدر اقولك شي هههههه

صح بدنك

أنته من العصر قمت اتخمخم المكرفون=اسر بها يا عزيز بعد ليلك سرا


يا العبدلي من قديم الوقت سلعة زبون=ما يعترض لـ الذياب الحصني الأزهرا

أول يجي من جهتكم ريح من كل لون=واليوم ذوقوا سمومن قيضها أغبرا
من قال لك مدحةٍ ماصانها لك مصون=يالجذع مالله عطاكم من جهتنا ذرا

يا العبدلي من قديم الوقت سلعة زبـون
ما يعترض لـالذيـاب الحصنـي الأزهـرا

صح السانك يالجذع ههههههه

اكلها يالعبدلي ههههههههههه

اكلك مسررررررع ههههههههه

لا هنت على مرورك يا فايز

...

طيب طيب طيب ... عزيز وابراهيم ... واصلوا ونحن لكم متابعون :)

اليا ضغطناك يا عزيز علاكم نمون=ليتك تجزا العرب فحصانها الاصفرا


يا اللي تناطح عتيبه وأنت ما لك قرون=حنا ذرا لبن درويش وذراك أومرا

نارن وطاها الجليد ونارنا ماتهون=والناس تنظر وترجف رجف مما جرا
ياللي بقيتوا تحت راياتنا وش تبون=في كل لحظه تقدّم بينكم بالسرا

ما كل من يرتجف من هيبتك يرجفون=اللي يلدون له بالعين لقا ورا


مالومكم يا العبادل يوم ما تمرحون=ومالوم عينك ليا عافت لذيذ الكرا

يا سلام يا سلام

مبدع يالجذع كفيت ووفيت يالغالي

وصح السانك مليون
والقاف من الحماس اشتد وصار فيه مصامخ
لكن ماتنقص من قدر عتيبه عندي شي
والقلوب اصحاح وانظاف :)

لاهنت على المجاراه الطيبه وال اللقاء في الايام المقبله انشالله
تحياتي

أسير القوافي

مطيري بينكم

طلق الحجاج

ولدعساف

فايـز العتيبي

معجب العتيبي

عبدالله الفهد الاسعدي

أخو جوزا

سلطان الجـذع

صحة ابدانكم جميعاً

نورتوا الموضوع وشرفني حضوركم ومتابعتكم

والمعذره لو ما رديت على كل شخص لحاله

لأن مثل ما تعرفون اللي يلعب نشغل فالرد على الشاعر الثاني

تقبلوا تحيتي وتقديري

عزيّز العبدلي


صح بدنك يا الغالي

تشرفت باللعب معاك واستمتعت

واللي يحصل في جميع المحاورات ما ينقص قدر اي قبيله

كلها مزح ومتعه والمعاني والرموز ما تخفى على الشعراء

بالتوفيق يا الغالي