رائـــــــــعة شعـــريـــة %%%

السلام عليكم ورحمة الله وبركاته
اسعد الله مساكم هذه قصيدة من الشاعر طلق بن دغيليب الذيابي موجهه للشاعر الكويتي عيد بن شريم


له الله قلب واهج الشوق لايعه = خطيرا من الفرقا تناثر مزايعه
بعد طب في محمية الحب وانكوى = عايش حقيقة ضنها قبل شايعه
طبيت في سوق الهوى ماعرف الهوى = وانا احسبني قبل لا اشريه بايعه
رمتني سهومه واودعتني صويبها = معاليق قلبي من كواياه مايعه
بعد استمالتني غرايب لذيذه = سيرت فيه وقمت اقلب بضايعه
سبايب دخولي يا ابو خالد بعالمه = بختري ورودا معها الانسام فايعه
بعد شفت ليل لاح برقه وهزني = كل الجوارح خاضعات وطايعه
حاولت ارد الطرف واغضاء وقال لي = وش لون اصد وطاسة الفكر ضايعه
اثره سرق ياعيد كامل حشاشتي = وامست وديعه ضمن باقي ودايعه
بعد نومتي في كهفه ادركت غلطتي = وترديد كلمه سيرة الحب رايعه
هيهات كيف اطلع وسوره يحيط بي = وانا داخل من غير علم بشرايعه
انا ادري خذت عقليتي حلوة البناء = يوم ارسلت جيشاً قوية وقايعه
قفت وقلبي كنه الطير حولها = حورية ياعيد بالحسن ذايعه
وردية الخدين منثورة الذهب = اذا هزه النسناس تنزل بوايعه
لها عنق ريم الصيد لحظة فزوزها = وعين اشقر يكفخ وتنثر قلايعه
يداعب حياها يوم تمشي دلالها = ريانة هيفا مع الوسط جايعه
انا اصبحت اسيرا في غرابيل حبها = وهي وسط القلب قطعة بنت خايعه
ونويت اختصر قصة معاناة حالتي = والحب غيري كم شكى من وجايعه
انا مبتدى وشلون لو كنت محترف = عسى الله يعين اللي تحمل فضايعه
ياعيد يا ابن شريم شورك يهمني = وقليل المعرفه ما استمع في توايعه
ان كان فيه علاج عجل بوصفته = واحذر تقول القلب غير طبايعه

وسلااااااااااااااااااااااامتكم

,,,
قصيده شامخه مثل شموخ شاعرها..
لاهنت ياولد ذايب على حسن اختيارك.

تحياتي

تسلم يمناك يابن ذايب على هاالقصيده
ونبي منك رد ابن شريم علاها
وتقبل خالص الود مني

اخوي المسري واخوي مرزوق
اشكر لكم مروركم والله لايهينكم ولايحرمنا منكم
الرد في الطريق
وقريب انزله
ولكم تحياتي

الجميع
اي خدمه ثانيه