جوهرة نجد

اسهر ومسهرني هوى لين العـود **** طفلٍ حرم عيني لذيذ المنامـــا

شكيت منه الحمر والبيض والسود **** وشقرٍ على الخصر المعزل تواما

وعكشٍ تشرع بالحجاجين وورود **** محاجرا تفضح رهيف اللثامــا

وعنقٍ مرق عن لبة الترف ونهود **** وخصرٍ هضيمٍ كن فيه الهيامـا

وردايفٍ منها فضا الثوب مشدود **** ليا مشى تطوي السلب للحزاما

لا واه أنـــا مذبوح عمدٍ وجحود **** يذاك ما بيني وبينك مدامـا

وحياة من في رادتـه هبت النود **** انك جرحت اللي حنينه اريامـا

ما حق يالطف الحشـا حب وصدود **** وعلام تسكت ما ترد السلامـا

كانك تبي تبرير للحب وشهـود **** انظـر بعينك في دموع تهامـا

وحالٍ نحل من حبكم كنه العود **** ونفسٍ تصوم بغير نية اصيامـا

لا ياحبيبي ويش حدك على الكود **** ماانت بعمى وشلون عنى تعاما

ان كان منك العطف واللطف مفقـود **** ذبح المحب بغير ذنبٍ حراما

ياهاجري ماف اشرف الوصل منقود **** عدني كماعود الولي لليتاما

بزيــارة تطلق من الحزن ممهود **** في قلبي اللي لك بوسطه مقامـا

عليه تشهر سيف الألحـاظ مجرود **** وإليا تعطف لك علامك تسامــا

وش ذنبه إلا انه بالأتعاس موعـود **** في حبك اللي مـا قضاله مراما

وبيت القصيداللي من القلب مشيود **** حرام ما يزهاه غيرك وسامــا

وشعرالغزل تزهـاه ياباشة الخود **** يا فاضحٍ بالنور بدر التماما

لك الغلا ياجوهرة نجد يا نجود **** حوريةٍ من حبهــا ما يلامــا



للشاعر
عبد الرحمن العطاوي

شكرا يا فتى الهيلا
والعطاوي غني
عن التعريف

اخوي

ولد عوجان الجذع


شكراً على مرورك

وعبدالرحمن العطاوي
شاعر هوازن
معروف ولا يعرف

ويعطيك العافيه



تحياااااااااااااااتي

حاالا نحل من حبكم كنه العود = = ونفسا تصوم بغير نية صياما

سلمت والله يا فتى الهيلا على الاختيار الرااائع ..

وصح لسان الشاعر الكبير عبد الرحمن العطاوي

ولك تحياتي ..

اخي

دريد ابن الصمة


الله يسلمك
ولاهنت على المرور

وبيت القصيداللي من القلب مشيود **** حرام ما يزهاه غيرك وسامــا
وشعرالغزل تزهـاه ياباشة الخود **** يا فاضحٍ بالنور بدر التمام

قصيدة جزله .. تحمل ابيات جميله

تسلم يا فتى هيلا على الطرح

وماقصرت .. ولا عدمناك

فتى الهيلا


لاهنت طال عمرك قصيده رائعه

ذيب طويق



قحص



الله لا يهينكم على المرور
ويعطيكم العافيه



وتقبلوا تحيااااااااااااااتي

فتى الهيلا

صح السانك والسان الشاعر الكبير عبدالرحمن العطاوي

تحياااااااااااتي

الدلبحي


صح بدنك يا ابن العم

شاكراً لك مرورك

ويعطيك العافيه



وتقبل تحيااااااااااااااااااااااااتي