الى من يستحق الثناء صاحب السمو الملكي الأمير (خالد بن مشعل بن سعود بن عبدالعزيز)

دشيت في بستان نظــم القصـايد=
واخترت من أحلى المعاني قصيده
قصيــدةٍ في وصف عقــد الفــرايد=
تــــزها مقــام الــي فعــوله حــميده
(خالد بن مشعل )عن النـاس نايد=
فـي هامــة المجــد العظــيم التلـــيده
متفــردٍ بالطــيب بالحــيل زايـد=
عــن باقــي العــالم بصفحة فريـــده
سجل بها من قدح راسه فوايـد=
يــوم المــــلا كــلٍ يقـــاس برصـيده
رصيده المعروف وقت الشدايد=
نبــراس راس ولا قضيـــه تكـــــيده
كساب قولة نعـم مع كل شـــايد=
لا حســبت علــوم الرجــال الأكــيده
(خالد) وله فـالطيب طبع وعوايد=
الطــيب فــي دمــه ويســكن وريـده
متسلحٍ فالعــلم بأعلـى الشهــايد=
ومحنــكٍ بالعـــرف ربـــي يــــزيده
زيــزوم طــيب وللمجاميع قـــايد=
متسلســلٍ بالمجــد ماهــي جــــديده
من راس ابو تركي مطف المكايد=
حــلال عســـرات الأمـــور العنـيده
نــاداه نجـــد لعالي المجــد عـايد=
ولــج الآذان لــراعي الحـــق سيـده
(لعبد العـزيز الحكم وسـواه بايد)=
ومن ساعته لبس الوطن ثوب عيده
من نجـد الى مكـه تغنى النشايد=
ودمــام مــع حائل الـى أبها سعيـده
وجــده (سعود) مقـدمٍ كل فـايد=
جــزل العطـايا والمـواقف ســديده
وأبوه (مشعل) للمهمات رايد=
نعــم الولــد واللــه ونعــم الولـــيده
أمجاد تشهد فالكتب والجرايد=
سجــل بها التاريخ صفـحه مجيــده
أكتب ولا أحصي مجدهم بالمدايد=
عجــز القـلـم يافــي بمقــالٍ نريـــده
والعذر من راع العلوم الوكايد=
ما تحصي أفعالــه مجـــرد قصيـده



( 000000000000)

...
صح لساااااااااااانك مليووووووون
قصيد ه تستحق القراءه والتنسيق ...
تحياتي

صح لسانك

ولا هنت

تحياتي

بيض الله وجهك يا مرزوق على هالتنسيق الجميل يا ابن العم الذي نجهل فنونه

قصيدة جزلة , فيمن يستحقها


صح السانك ياmohmmedot



تحياتي

قصيــــده شامخه
صح لسانـــك
والله يحييك .