الربـيــع الـعـربي ... كديميس صالح

ياإله الكون عفوك والسلامه = اليا دخل فصل الربيع بغير حله
وقام بعض المجتمع ضد الزعامه = والبعض في صفها لكن قله
وصار فالميدان كره وانهزامه = والحبل من بينهم كلٍ يتله
ولا يلام اللي يطالب بالكرامه = من نظامٍ له سنين ٍ يستغله
ودارت الأقدار بأصحاب الفخامه = واصبروا عقب المعزه بالمذله
كل منهم ضاع قدره واحترامه = ولو بغى درب السلامه ماحصل له
واصبحوا بين الغرامه والندامه = وقربوا منهم ملفات الأدله
وكل منهم صار بالنفس اهتمامه = مايلد الخل منهم صوب خله
منهم اللي مالقى فالأرض اقامه = مالقى من يستضيفه في محله
وراح يسبح فالفضاء مثل الحمامه =وكل مايقصد مطار يقول لله
وبعد ماضاق الفضاء خلفه وامامه = زبنوه اهل الحصون المستقله
ومنهم اللي ثاوين ٍ مثل الهلامه = لو بغى ينهض رجوله ماتشله
وقام يشر فالقفص بعد اتهامه = بالفساد المنتشر في مصر كله
وحاكموه اللي من اول بأستلامه = كان سيدهم وصاروا سادةٍ له
ومنهم اللي مايعرف الإستقامه = امتغطرس مير رب البيت اذله
جامع ٍ خبث النوايا بالغشامه = وابتدع له ملةٍ ماهيب مله
والتخبط في النظام وفي كلامه = وينكر المعروف والمنكر يحله
انكر الخامس ويسعى في هدامه = الذي يثبت دخوله بالأهله
ومنهم اللي صار في وجهه علامه = بعد نجحت خطة اللي حابنٍ له
عقبها بان الخلل داخل عظامه = ليا مشى لا حظت في ممشاه خله
علَمه شعب اليمن لبس العمامه = وطلعت صورة خياله فالمجله
ومنهم اللي يقمع الشعب بصرامه = ومذهبه فالبطش معروفٍ سجله
وارثٍ نظام عفلق وانتقامه = وقدرة الله كل مفتولٍ تفله
وكل طاغوتٍ عسى يسقط مقامه = وجعلها تسَمل عيونه بالاخله
ويستريح الشعب منه ومن نظامه = ويتخير للفضيله من يدله




كديميس صالح العتيبي

مجرم الشايب هذا

,,


صح لسااااااان شاعرنا الرائع كديميس العصيمي



لاهنت على النقل يالغالي



,,,,,,

كديميس شاعر كبير و الله يعطيك العافيه يانامي على النقل

كديميس لازال رقم صعب في قائمه شعراء عتيبه صح لسانه ابو سلطان لاهنت يانامي

..


الله الله

صراحه استمتع كثيراً وأنا أقرأ لكديميس العصيمي ( القوه العظمى )

عذوبه وسلاسه في مفرداته

صح لسانه والله يعطيه العافيه

ولاهنت اخوي على النقل ،،،

صح لسان ابو صالح

لاكن القصيده سرد قصصي مافيها مايميزها

ولا لها اتجاه

صح لسان القوة العظمى كديميس العصيمي شاعر بمعنى الكلمة

مجرم الشايب هذا

صراحه عبارتك

:)

تسلم يا نامي على هذه الرائعه الجميله

وابوسلطان له طابع خاص في قصائده لايمكن تقليده

متاكد انها لكديميس ياناامي ؟ اشوفها اقل من قصايده الاخرى الا ان كانت مهي له

عودك عود

صح لساااااانه