عاد عيد عتيبه اليلا ومن يرجي رضاها

ابوطايل الهرش قرب جاي



عاد عيد عتيبه الهيلا ومن يرجي رضاها=ياعسى ربي يعيد عيادها في كل عامي
العصيمي ضمن ناسٍ ودنا نبحث خفاها=والحقيقه لايطول فالنقاش وفالكلامي

اخلص ياهرش ههههههههههههههه


<<<<<<<يقول يمزح والله يكفينا شر الهرش
هههههههههههه

هلا يابوفيصل
كل عام وانت بخير والله اني مشغول مار حبيت ارد عليك





يالله انك تستجيب لدعوة ٍ مقعد دعاها = والعلوم اللي بعدها ياسلام وياسلامي
لاتقيم الدعوه الا ّ عندك اسنااد علاها = من يوثق خطوته يمشي ملك شرقآ وشامي

لاتحاول تطمس نجومٍ توهج في سماها=انت رجلٍ ماتحب النور وتحب الظلامي
نفسك اللي تزعمك لآبد ماتلقى جزآهـا=مابقى الا انك تدخل في صلاتي والصيامي

صح لسسسسسسسسسسسسانكم ينشاما واشجع ابن عاصم وقعد يدغيلبي هههههههه

صح لسسسسسسسسسسسسانكم ينشاما واشجع ابن عاصم وقعد يدغيبلي هههههههه

هههههههههههههههههههههه
صح بدنك يالذيب واهم شي حضورك طال عمرك

لك كل ود وتقدير

خالد سفر
مرحبا ومسهلا
وصح بدنك ولاهنت .

اعذروني تراني ملقوف لكن الهاجوس 440 v.s :

صايمين وقايمي ولا نبي شقرة عصاها ــــــ القبيلة عندنا يادغيلبي فوق الاسامي
الخفا صافي ذهب والنفس ماتلحق مداها ــــ مير سلم يالشلي والضرب فالميت حرامي ..

النجوم العالية محدآ بناقص مستواها = والرجال افعال لكن كل رجل له مقامي

الرخيصة ماربح من باعها والا شراها = خل نارك في حزامك مثل ناري في حزامي.

صح السنتكم وافين وانا عن اذنكم بنحاشششششش عان عجي كاتف .

هلا ةغلا
يابرقاء والسماء زرقاء

يااخوك تعال كمل مع مقعد والله مشغول وابلشني
هالمجرم

ابشششششششششششششششششر ياسعود ا\طلب عزك ،،

اذا تسمح يامقعد ياستاذي في الشعر كملت معك ، واذا ترفض طال عمرك احذفني مع الدريشة |..

وصلتك وحده ولاخرى يالعصيمي في سراها=مايدس الراس فالميقاف ياغيرالنعامي
الجمال اللي من حمول الزمن نسمع رغاها=الله اكبرياجمالٍ لاعضود ولاسنامي

اذا تسمح يامقعد ياستاذي في الشعر كملت معك ، واذا ترفض طال عمرك احذفني مع الدريشة |..

هههههههههههههههه

هلابك وشرواك مايحذف اقلط والله يحيييك ماعندنا مانع

لابد مسموح مسموووح

خلني اروح اقضي اشغالي



ماعليك من ابوفيصل ماهوب قايل شي.

العضب لايشكي امه ليه مايقطع ايداها ــــــــ والعتب قافيه مير ان الكرامة ماتسامي
سلعتك في حوزتك ماسقتها للي شراها ــــــــ لارغى ولا هدر ينتج عريضات المقامي

يالله سكنهم في مساكنهم

العضب لايشكي امه ليه مايقطع ايداها ــــــــ والعتب قافيه مير ان الكرامة ماتسامي
سلعتك في حوزتك ماسقتها للي شراها ــــــــ لارغى ولا هدر ينتج عريضات المقامي





لاتضلي يالعتيبي من عماها في عماها=مستعد اقضي على شرواك من مطرق بشامي
مابلشنا مع عبادٍ وجهها كنه قفاها=من قديم الوقت وانا ميسمي فالنار حامي

لاتضلي يالعتيبي من عماها في عماها=مستعد اقضي على شرواك من مطرق بشامي
مابلشنا مع عبادٍ وجهها كنه قفاها=من قديم الوقت وانا ميسمي فالنار حامي


والله اني جاهلن سابقك مير اتبع خطاها * كود اصل لي ديارن تتبع حدود النظامي
طقها غمرن لحقها والعسل كنه شفاها * مدري ، ولكن سلامي ياصل سعود العصامي



وختامها مسك ، مع الشاعر / مقعد الدغيلبي ، مع ان في الخاطر كليمات ولكن والله عندي مشوار ، تعرفون العيد ومشاغله ، وتشرفت مع اللعب معكم ،،

وشكرا وشكرا وشكرا لاخوي الشاعر / مقعد الدغيلبي اشهر من نار على علم وبيض الله وجهه على تواضعه بطاروقه معي ..

يالله سكنهم في مساكنهم

هلابك يالسنافي و معك سلف عشره ،

خربت الطاروق وبس انا اشجع مقعد