سلام تسليم الرجال اللي تعده للرجال
علي فلاح العضياني10-Dec-2005, 09:57 PM
سلام تسليم الرجال اللي تعده للرجال=يالشاعر اللي ودك بطاروق سلم واستلم
المعرفه عند الرجال اهل المعارف راس مال=اسمع كلام المصدر الماثوق سلم واستلم
مرزوق حمدان العتيبي10-Dec-2005, 10:00 PM
...
.
مرحبا يابو فلاح ...
مبدأ رائع ننتظر شاعر ليكتمل الابداع...
انا في صفك ...
كل الود ...
أبو مرحبا10-Dec-2005, 10:11 PM
سلام تسليم الرجال اللي تعده للرجال=يالشاعر اللي ودك بطاروق سلم واستلم
المعرفه عند الرجال اهل المعارف راس مال=اسمع كلام المصدر الماثوق سلم واستلم
يسلاااااااااااااااام عليك يا الفالح
ننتظر الشاعر الثاني
بن دريميح10-Dec-2005, 10:16 PM
حبيت العب معك واتشرف واستلم......
يامرحبا يامرحبا وعداد ذرات الرمال = يالشاعر اللي ماتعرف البوق سلم واستلم
والمعرفه يلي تعرف المعرفه قول وفعال = برهانها وفعولها من روق سلم واستلم
الحذني10-Dec-2005, 10:23 PM
صحت ألسنتكم ....
وأنا في صف ابن دريميح
علي فلاح العضياني10-Dec-2005, 10:44 PM
دام البقا دام البقا وابشر لك بفال وعقال=مادمت يادرموح روقي روق سلم واستلم
نبا نسولف والحمول ثقال عينت الجمال=عساك تسلم مايجيك العوق سلم واستلم
الشمالي الغربي10-Dec-2005, 10:47 PM
الفالح
ابن دريميح
صحة السنتكم
واصلوا لاهنتتتتتتتتتتتتتتو
تحياااااااااااااااتي
بن دريميح10-Dec-2005, 11:06 PM
عذرا على التأخير كنت مشغول وتو جيت
وستلم............
الدرب قدامك تبى تمشي عوج ولاّ عدال = نعم وأنا روقي وسوقه سوق سلم وستلم
ان جيتنا تمشي مامعك إلا هلل ولاّ ريال = مثل العليمي مايعرف السوق سلم واستلم
بن دريميح10-Dec-2005, 11:09 PM
الحذني
الشمالي الغربي
مرزوق
قحص
صحت ابدانكم جميعا....
علي فلاح العضياني10-Dec-2005, 11:27 PM
لا والله الا ساع نزلت العمامه والعقال=تبا تصير املازم(ن) بحلوق سلم واستلم
وراك تزعل يوم وجهتلللك امجرد سوال=تعال شل هذاه يامرزوق سلم واستلم
بن دريميح10-Dec-2005, 11:42 PM
إن كان نزلت العمامه بربطك ربط الحبال = وجّودك وحطك بصندوق سلم وستلم
إن كان تنشد عن جمال اتشيل حملٍ ما يشال = هذاه ياعالم ماهو منطوق سلم وستلم
علي فلاح العضياني11-Dec-2005, 12:05 AM
انا من اصحاب اليمن وانته من اصحاب الشمال=الشعر يادرموح فن وذوق سلم واستلم
احد(ن)نعشيه الجمل واحد(ن)نعشيه الخيال=واحد(ن)نقول اقلط على مرقوق سلم واستلم
القاضي الأول11-Dec-2005, 01:36 AM
الفالح
بن دريميح
صحت السنتكم
سجلوني متابع لكم
ولكم تحياتي
اخوكم : القاضي الأول
الايداء111-Dec-2005, 02:18 AM
,
لاوالله
الا ... جيناك
مادام فيها جمــــــــــل
يالفالــــــح
احد(ن)نعشيه الجمل واحد(ن)نعشيـه الخيـال=واحد(ن)نقول اقلط على مرقوق سلـم واستلـم
دستور الهيلا11-Dec-2005, 07:56 AM
يا سلام يا سلام
واصلوا متابعين
اجمل طاروق من اروع شعار
بن دريميح11-Dec-2005, 01:03 PM
انته تدبدب فالمعاني منت ابو زيد الهلال = إن كان تبغى العرف عاين فوق سلم وستلم
ياظنتي فلّوح ماعشى ولايعطى الجزال = وان كان عشى كنه ابمخنوق سلم وستلم
القاضي الاول
الايدا
دستور الهيلا
شكرا على المرور........ وعلى حسن الظن..
علي فلاح العضياني11-Dec-2005, 01:37 PM
هلت على راسك من البارح هماليل الخيال=فيها الصواعق والرعد وبروق سلم واستلم
ما والله اخبل واحد(ن) يصدم براسه فالجبال=مجنون مدري عنه كيف ايفوق سلم واستلم
بن دريميح11-Dec-2005, 02:22 PM
جته الرياح اللي تفرّق وبلها في كل جال = ثم عوّدت في راسك المفلوق سلم وستلم
مازحزح جبال البسيطه غير ربي ذا الجلال = ولاّترى عبده بده مخلوق سلم وستلم
علي فلاح العضياني11-Dec-2005, 02:54 PM
ابن دريميح تشرفت باللعب معك والقاف شاب
وتقبل تحياتي والى اللقاء
بن دريميح11-Dec-2005, 04:17 PM
وانا كذالك
اتشرف يوم العب معك
وصح لسانك على الرددود
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
