كل غايب عذره معه

مبطي عنكم يالنشاما





بين سود الليال وبين بيض الليال=كل غايب من الغياب عذره معه

قبل طرح الجواب وقبل طرح السؤال=البحر يدحم الجيلان من يشرعه

ابن سهاج شاعر متصف بالجزال
---------- كل ماشاف له مرقاب قال اطلعه
ياقوي المــــــعرفه يابديع الخصال
............ مثلك ان قال قوله ودنا نسمعـه

ارحب يامدير

وتنسيق الابيات فيه مشكله


ابن سهاج مايجهـل سـلوم الرجال
ــــــــــــــــــــــــــــــــــــــــــــــــــ ــــ وان وقف ماقف ٍ يحميه ويسنعه

وقت الساعه وموعدك قبل الزوال
ــــــــــــــــــــــــــــــــــــــــــــــــــ ــــ تسمع الكلمه اللي شنها مقرعه

البقا ياغالي ... واستلم
والمنسق الهاك مافعّل ... مع الترقيه الجديده
وان شاء الله
تعود المور طبيعيه في اقرب وقت .....
..

.

نعم ياصاحبي فيكم على كل حال
---------- وراعي اتمير يعرف راعي المجمعه

الحمول الثقيله مالها الا الجمال
........... لاتخلي بقلــــــبك,,, شي ماتطــــــلعه

وصلت مشوار قريب

ونبي نختمها الليله يابليهان


لو تزول الطبيعه ماتزول الجبال
ــــــــــــــــــــــــــــــــــــــــــــــــــ ـــــــــــــــ وابو عمه نعرفه غير ابو قبعه

ياجمال ٍ تشيل الحمل والحمل مال
ــــــــــــــــــــــــــــــــــــــــــــــــــ ـــــــــــــــ ردوا ام الجمل لحوارها ترضعه

انت ماظن تصبر... بالخطوط الطوال
----------------- صاحبك حــــرّك العالم براس اصبعه
لو يزيد العناد .... ولو يطول الجدال
----------------- يمكن انك تضيع... بداخل المعمعه

ههههههههههه


لو وجه البسيطه فوق قرن الغزال
ــــــــــــــــــــــــــــــــــــــــــــــــــ ـــــــــ العواقب وخيمه والعرب مسرعه

خلها بسد ابن سهاج تحت السبال
ــــــــــــــــــــــــــــــــــــــــــــــــــ ــــــــ لاتصومع ترى ماحد ٍ يبا الصومعه

..
:)


انتبه للشماغ ..... ولا يطيح العقال
----------- غيرك اللي ثمانه عوّدت لربعه

اقلط اشرب من الدلّه بوسط الظلال
----------- وانتبه للكلام ولا تصير .. امّعه

انطح فالك على العشاء :)

استلم وليلنا على مسراه


التحمس شجاعه والتحمق خبال
ــــــــــــــــــــــــــــــــــــــــــــــــــ ـــ والعتيبي ليا من هاش من يفرعه

مانت مسؤل عن عباس والا بلال
ــــــــــــــــــــــــــــــــــــــــــــــــــ ــ انقض الحجه اللي جات والا اقنعه

الا الربع ماعينتهم

ماتستوي ملعبه بدون صفوف :)

..

مهابيطه العفا ..

العتيبي فعوله في... نهار القتــــال
----------- لاتحداه خصمه .... باللقاء يقمعه
وانت حدد مسيرك وين يابن الحلال؟
----------- تطرح الطرح مار الجمع ماتجمعه

الا الربع ماعينتهم

ماتستوي ملعبه بدون صفوف :)

الغايب عذره معه .... توك قلتها في بداية الطاروق
ههههههههه
يجوونك بس اكرب حزامك :)

تسلم ياحبيب الكل

الوكاد ان ابن سهاج رزقه حلال
ــــــــــــــــــــــــــــــــــــــــــــــــــ ـــ ولو نظركم بنص العين جا قرقعه

اتجمـل معا ربعي واحب الجمال
ــــــــــــــــــــــــــــــــــــــــــــــــــ ـ وكل رجل ٍ على منهاجه ويتبعه

..
ام هذي كبيره والحقيـــقه تقال
-------- تكثرون الكلام .. ولا بكم منفعه

وان تجملت طيب ياعريب الخوال
--------- وان ترديت ..حبل الود مانقطعه

هههههههه


معك شوف الجنوبي.. معك عقل الشمال
ــــــــــــــــــــــــــــــــــــــــــــــــــ ــــــــــــــــ مار راحت وشرهتها على المطبعه

كل ماقـلت يـا مرزوق جالــك مجـــال
ــــــــــــــــــــــــــــــــــــــــــــــــــ ــــــــــــــ ضيّع الكلمه اللي لجــّت بمسمعــــــه


ومجمل ومشكور وصح لسانك


ومبروك فوز الهلال :)

انت ياصاحبي معناك فيه اختلال
----------- رحت مع دربك اللي ماعرفت اسنعه

كل هرجه لها عند الرجال احتمال
------------مار خلك صريح وكل غامض دعة

...
.
صح بدنك يالغالي
..
وبيض الله وجهك.
الى لقاء اخر تقبل اجمل تحيه .
...

بن سهاج

ابو محمد

صحة السنتكم على هالطاروق

تحياتي

..

.
مرحبا يالمبتدي ..
نورت..... وينكم ياشيخ ..؟؟
استوحشنا انا وبن سهاج ...
نلعب ماحولنا احد ههههه.

كل الود ...

السلام عليكم ورحمة الله وبركاته


اااااااالله طاروووووق كاااااااااايف


وصح لسنتكم


ولو اني جيت بدري كنت في صف ولد عمي مرزووووق:) :)



عشانك يابن سهاج تقول مبروك فوز الهلال هههههههه :)

تحياتي لكم جمييييييييع

..
.
مروي الشطير ..
هذا شرف لي انك تكون في صفي
يابن العم ...
لا وهلالي بعد اكتمل الزين
هههههه..
كل الود ....