(( الاسعدي )) *و* الراس مطلوبه عسير المنالي

الشاعر القدير/حمد الاسعدي



الراس مطلوبه عسير المنالي = والقلب ماله غير خله مطاليب


كم من جواب مالقاله سوالي = وكم من سؤال نطرحه ماله مجيب


يابنت رمشى شيبته الليالي = من كثر ما سافرت بين التجاريب


شيء تملكته وشيء غدالي = وشيء خذاه الوقت غصب بلا طيب


من دون ربحي ماحصل راس مالي = والفضل لله مالقيتي عذاريب


مالا تحب النفس لوكان عالي = ماله مكان بين عوج المحاديب


والعذر هلت عبرته مالقالي = ظل يجنبني سموم اللواهيب


خلاني اقعد فالمهامه لحالي = مثل الغريب اللى بليا تغاريب


مثل الشمال اللى جفاه الشمالي = قلبه معلق والليالي مناضيب


يابنت قلبي مابقى فيه تالي = الا لغضات الصبايا الرعابيب


اللى غلاهن فالهوى سم حالي = غيد لحقنى من هواهن عواقيب


ياليت قلبى فالهوى مايبالي = لو ترسل الطرقا نظرها مكاتيب



----------حمد الاسعدى---------



صدى الشاعر القدير // مطر الروقي




الراس يسلم ياكريم السبالي = والله مانرضى لراعيه تعذيب


يالاسعدى تيشر بجاهى ومالي = افزع ولو مارسلت يمى مناديب


قريت من نظمك بيوت جزالي = والذيب لامنه عوى جاوبه ذيب


يالاسعدى شىء طرالك طرالي =والوقت يبرمنا سواة الدواليب


اواه وقتى ياحمد ما صفالي = شيب رموشى مثل ماصابك الشيب


واللى جرالك يابوماجد جرالي = اصبر ترى دنياك هاذى تعاجيب


والله لالا صبرى وقو احتمالي=انى على قول العرب لشلح الجيب


هذا الهوى يسقيك مر وحالي = هذا الهوى العذرى ولا فالهوى عيب


من حب ليلى قيس صابه هبالي = ومات الدجيما مانفع فيه تطبيب


مير اطلب الوالى عزيز الجلالي = مافيه مظلوم دعا الرب ويخيب


وانت المجرب مايفيدك مقالي = تختار ماتحتار بين الاساليب


شاعر خيالك منه يكسب خيالي = كفؤ كفؤ ياللى فتلت الاشانيب



----------مطر الروقي----------

ضحيان يعطيك الف عافيه
وصح لسانك ولسان حمد ومطر وتشكر على النقل الرائع



تحيتي سطام روق

بيض الله وجهك


صح لسان الشعراء


واسمح لي على تنسيقها


تحياااااااااااااااااااااااااااااااااتي

ضحيان مشاركه رااائعه



وصح لسان الشاعرين


قصائد جزله

اخوك

صح لسانك وسلم بنانك


وبيض الله وجهك على النقل


تحياااااااااااااااااااااااااتي

هالله هالله قصيده رائعه





محمد الصقري الاسعدي

مشكور على القصيده