(( في منتدى عتيبه .. )) اول مشاركه
سليل العز02-Jul-2007, 08:26 PM
بسم الله الرحمن الرحيم
اسعد الله اوقاتكم بكل خير , وهذي اول مشاركه لي معكم , والطارف سديد ...
سلام رديتن فيها سؤال وجواب = في منتدى اعتيبه الهيلا نغنيبها
جينا نبا شاعرن يفهم رموز الخطاب = مانطلب اشويعرن لاقام يخطيبها
ماله امان02-Jul-2007, 09:38 PM
الاخ فارس انت اخطيت الطارررروق و0000
ولكن نقول لسليل العز استلم يالغالي
يامرحبا بالمسلم والذئابه تهــاب=لأ قامت انمورها تقنب على ذئيبهــا
فليتها وانتبه لأ تنثرون الزهــــاب=لكن قود المعاني قبل تسريبهــــــا
سليل العز02-Jul-2007, 10:02 PM
صح لسانك واستلم لاهنت
دام البقا والمعاني وسط سطر الكتاب = والغاليه غاليه في ظل اشانيبهاا
وانا بدارالمعزّب خلف طاقه وباب = وامعزبي تاجرن يبيع ويشريبهاا
ماله امان03-Jul-2007, 12:33 AM
صــــح بدانـــــــــك واستلم
اسمع كلام المعزب والخبر فالجــراب=ياكيف بعض العلوم اليوم تمسيبهــا
لكن هاذي زمان العولمه والشـــــباب=والمرجله ياصحيب القوم تحريبهـــا
أبو نجر النفيعي03-Jul-2007, 01:18 AM
..
سليل العزيز // يا مرحبا فيك وحياك الله بين اخوانك ..
وصح لسانك يالغالي ..
:)
ماله امان ..
صح لسااانك يالغالي .. والليل يالنشاما الليل ..
سوا سوا ..
.
ماله امان03-Jul-2007, 02:58 AM
الاخ ابو نجر النفيعي
صح بدانك
ولا زلنا في انتظار رد اخونا سليل العز0 بس الظاهر انه اخذها نومه0000
فارس الباديه03-Jul-2007, 04:41 PM
صح لسانك ماله امان يالذيب
سليل العز03-Jul-2007, 06:55 PM
صح لسانك واستلم
دام الحقيقه على ماقيل حد السحاب = واصويحبي مادرا والناس تدريبها
ابفهق الهرجه اللي بين ضرسن وناب = وابقفل اكتابها واترك مناديبها
سليل العز03-Jul-2007, 06:57 PM
أبو نجر النفيعي // الله يبقيك ويطول عمرك والطيب مايستغرب من اهله وبيض الله وجهك على الحضور والمتابعه .. اشكرك
سليل العز03-Jul-2007, 07:02 PM
الاخ ابو نجر النفيعي
صح بدانك
ولا زلنا في انتظار رد اخونا سليل العز0 بس الظاهر انه اخذها نومه0000
عزالله صدقت وابك انا رجال بدوي وشايب ارقد بدري بعد صلاة الاخير مااطول .. لكن ماعليه يا الغالي مافات شي وامر الله من سعه .. وعلى راي المثل ماابطا من جا ..
ماله امان03-Jul-2007, 07:18 PM
تسلم يالغالــــــــي
لأ انته بحاضر واعدك مع حضور الغــياب=يجوز لك مشكله حذرا تصليبهــا
واليأ تكامل حساب القوم عند النصــــاب=طلع سمارالقطأ والدرب لشعيبها
ماله امان03-Jul-2007, 07:20 PM
صح لسانك يافارس الباديه0تحياتي،،،،،
سليل العز03-Jul-2007, 07:40 PM
وانت سالم وغانم واستلم
يا وين انا وانت يارجال مثل السراب = مالك امان ونصيب الناس ماعيبها
ان كنت تبغا الحساب انا دفعت الحساب = رح فتّـش بخرجها ثم ناظر بجيبها
ماله امان03-Jul-2007, 08:13 PM
صـــــح لسانك
أشوف لي شيفة ٍبين الذراء والعياب=والناس تقطف ثمرها وانت في ريبها
واليوم تصرفلك الشؤنه وتلقأ العذاب=اللي تربي الضراوي تأكل اكليبهـــــا
سليل العز03-Jul-2007, 08:29 PM
صح لسانك ولاهنت وتبي اتختم اختم ماقصرت
الشايب اللي يحد الناس قلبه شباب = ولا شاف له زينة (ن) يلقط تلابيبها
والا انت توّك صغير السن في وسط غاب = والعقربه سمها معروف بذنيبها
ماله امان03-Jul-2007, 11:56 PM
صح لسانك ونختم محاورتنا عند هذا الحـــــد00
العيب ياشايب ٍ يلبس جديد الثــياب=زال الدلي دارجه والضرب في هيبهــا
المشكله لأ رقد عقرب عليها وداب=تبغي تحط الك تخديره على نيبهـــــــا
فارس الباديه04-Jul-2007, 04:13 AM
صح لسانكم على المحاوره الجميله=====ماله امان يالذيب ماتخلي سوالفك صدق مالك امان هههههه
