قصيــدتي:عسى السحاب....۞بٌَِنْ نْجًِْـِِّـِِّـِِّـِِّـِِّمً۞

[صورة غير متوفرة]
• عسى السحاب اللّي عصير مراديف
• اشوفها في مشرق الشمس عني

• لماي برقه مثل لمي الخطاطيف
• لكن مااسمع صوت رعده يدن

• يسقيك يا ذيك الجبال المشاريف
• الّي هواها يبري الوجد مني

• ويسوقها الرحمن لأرض المراغيف
• لين الحيا في نجـد يصبح مثنـي

• هذيك صعبات وهذى مواليف
• وهذيك ترزم والحوير يحن

• وهذيك خلفات ترازم معاطيف
• حلاّبهن في شدته ما يوني

• ليا اقبلن بالعصر مثل الصفاصيف
• يجلن هما بالحشا مستكن

• وان عسمن يجي لهن زفازيف
• ظلت قدور العطف غيظ وتثني

• دارت زباد الخير فوق المعاريف
• ظلى الزبد فوق الزبادي مبني

• وصوت النجر جاله عويل وغطاريف
• كسر سكون الليل ما يرجهن

• والضو شب يماحشونه طفاطيف
• والكيف مخلوط بهيل وبن

• ودارت علوم مصرفات تصاريف
• شي أستمعه وشي مذكور مني

• بالديره الّي تكرم الجار والضيف
• أهل الشريعة مذهب القوم سني

• ذباحة الأكباش حمالة السيف
• حماية الاوطان من كل جن

• ما جالهم بالغي والله تصانيف
• علم وكاد ما تخيله ظني

• ولا حرفوا بالدين اقل تحريف
• ولا غيروا بالخلق مقدار بن

• الله يحمى ديرتي من الصواريف
• ويعزها بالحق ماني متجني

• ويبعد الانذال قوم ملاقيف
• أهل الردا من كل مذهب يدني

• رديت من بالي لبالي محاريف
• بالقاهرة وأنا لحالي أغني

• ويا علها راقت لغيري التواصيف
• والا أنا ماني غشيم بفني

• أقلب الهوجاس مابه تحاسيف
• الا الخواطر جات وابها ارن

• بالقاهرة ما احتاج عمدة وتعريف
• معي جوازي وكل مصري يهني

• عسى السحاب الّلي عصير مراديف
• اشوفها في مشرق الشمس عني

• تسقيك يا ذيك الجبال المشاريف
• اللّي هواها يبري الوجد مني

النحــــم

كالعاده:)

مبدع ورائع

صح لسانك ملايين

احتراماتي:)

صح لسانك ..يالنجم ..

الله يعطيك العافية ..

صح لسانك وسلم بنانك يا النجم على القصيدة الرائعه

مشكورين جميعا

ثناءكم شهادة أعتز بها

وقراءتكم للقصيدة حافز لبذل الجهد اكثر

لكم

تحيـــــــــــــــــــــــــــــــــــــــــــــــ ـــــــاتي,,,,,,,,

ماقصرت يالنجم على هالقصيدة اللي ابدعت فيها

ابو شادن الدلبحي

أبو شادن

مشكور الله يطول عمرك

لك

أطيب : تحيـــــــــــــــــــــــاتي,,,,,,,

رديت من بالي لبالي محاريف
• بالقاهرة وأنا لحالي أغني

• ويا علها راقت لغيري التواصيف
• والا أنا ماني غشيم بفني

بيض الله وجهك وصح لسانك .....

مرزوق العتيبــــــــــــي

مشكر على الرد

بيض الله وجهك

لك

تحيااااااااااااااااتي

النجم صح لساانك


قصيده رائعه



تحياتي

عيضــــــــة

صح بدنك

مشكور على الرد

لك

تحياااااااااااااااااااتي