ساير في طريقي لو يجي جول صيد؛؛والله اني ماصوب يمها بندقي
ذياب المرشدي25-Aug-2003, 09:25 PM
اسمحوا لي على التقصير
يالله اني طلبتك يالكريم المجيد=تغفر لعبدك اللي راح واللي بقي
والله اني مطول مانظمت القصيد=الشعر راح غرب وصرت انا مشرقي
مير هيظني الشاعر بييت عنيد=بيت شعر قوي ودق في حافقي
قال لي من اسنين اشوف مالك جديد=قلت انا مشتغل في طاعتة خالقي
ساير في طريقي لو يجي جول صيد=والله اني ماصوب يمها بندقي
وحالف اني عن اهل الخير والله ماحيد=ماضن الحلف مني قول وموثقي
وكان شفت المجالس هرجها مايفيد=ارفع الصوت للبل واخبط بمطرقي
وقدمها ننهض الفكسار صاف الحديد=زين ممشاه مع جو الخلا الرقرقي
والله اني احب الذود حب شديد=ماحلا قدم ذودي درهمت سابقي
وبعض الايام عندي كنها يوم عيد=يوم اجالس من العالم صدوق تقي
قال علم وكاد وقلت علم وكيد=ومجلسي مادخل به كل خبل شقي
واختم القاف واقوله واكرر واعيد=عد وبل المطر صلوا على الصادقي
ذياب المرشدي
فيصل محمد25-Aug-2003, 10:33 PM
إن من الشعر لحكمة ، وإن من البيان لسحرا
صح لسانك يا ذياب المرشدي
ذياب المرشدي25-Aug-2003, 10:35 PM
مشكور ياخوي بن محمد
ولاهنت
نادرالامير26-Aug-2003, 01:49 AM
صح لسانك ياالمرشدي ولاهنت على القصيده النقوه
ذياب المرشدي26-Aug-2003, 04:35 PM
لاهان غاليك يالامير
ةتحياتي
@عريب الساس@26-Aug-2003, 05:25 PM
واختم القاف واقوله واكـرر iiواعيـد
عد وبل المطر صلوا على الصادقـي
اللهم صلي وسلم على نبينا وسيدنا محمد وعلى اله وصحبه اجمعين,,
صح لسانك وبيض الله وجهك يا ذياب المرشدى على هذه القصيده الرائعه ونحن في
انتظار المزيد منك
وتقبل تحياتي
ذياب المرشدي26-Aug-2003, 05:37 PM
صح بدنك ياعريب الساس
وابشر باللي يسرك
نهيان الحمادي26-Aug-2003, 07:28 PM
صح لسانك
وافية و جزله من و افي
صح لسانك
اخوك نهيان الحمادي
ذياب المرشدي26-Aug-2003, 09:05 PM
صح بدنك يالحمادي
ونعم والله فيك وفالحماميد كلهم
تحياتي
وصل العطياني؟؟؟29-Aug-2003, 04:06 AM
صح لسااانك
وسلم بنانك
قصيدة جزلة وممتازة
تحياااتي
ابن فرحان01-Sep-2003, 01:50 AM
صح السانك يا ذياب ...
قصيده جزله ولها روح الله يعطيك العافيه يا النشمي
ابن فرحان
ذياب المرشدي19-Oct-2003, 01:05 AM
اخوي وصل العطياني
صح بدانك وشهاده من شاعر كبير اعتز وافتخر فيها
ومشكور على اطلاعك تحياتي
وانا آسف على التأخير فالرد
ذياب المرشدي19-Oct-2003, 01:07 AM
اخوي الغالي
ابن فرحان
صح بدنك ولاهنت
ومشكور على اطلاعك ولك مني التحيه
ابو وعيل19-Oct-2003, 07:19 PM
صح لسانك ياذياب
قصيدة تحمل الكثير من المعاني .
ولاهنت ياذياب وبيض الله وجهك .
تحياتي لك
اخوك ابو وعيل الرويس
المورقي2219-Oct-2003, 07:25 PM
صح لسانك ويعطيك العافيه على الكلام العذب
وتقبل خالص تحياتياخوك falahالمورقي
ذياب المرشدي19-Oct-2003, 10:04 PM
اخوي ابووعيل الرويس
صح بدنك يالغالي
وشهادة اعتز وافتخر فيها
ولك مني التحيه والاحترام
ابو ماجدالمرشدي22-Oct-2003, 03:33 PM
اللهم صلي وسلم على على عبدك ونبيك محمد
اخوي ذياب بيض الله وجهك وصح لسانك على ها القصيده الجزله
ساير في طريقي لو يجي جول صيد
والله انـي ماصـوب يمهـا بندقي
وحالف اني عن اهل الخير والله ماحيد
ماضن الحلف منـي قـول وموثقي
صح لسانك وبيض الله وجهك
وكان شفت المجالس هرجهـا مايفيد
ارفع الصوت للبل واخبـط بمطرقي
وقدمها ننهض الفكسار صاف الحديد
زين ممشاه مع جو الخـلا الرقرقـي
والله اني احـب الـذود حـب شديد
ماحلا قـدم ذودي درهمـت سابقي
الله يلوم الي يبا يلومك في حب البل والله يرزقها ويبكر لها بالوسم
صح لسانك وونتظر منك المزيد من الروائع يا شاعر الروائع
بجـــــــاد23-Oct-2003, 11:05 AM
اخوي ذياب المرشدي
صح لسانك وعز الله انها القصيده الوافيه الجزله بيض الله وجهك
ذياب المرشدي26-Oct-2003, 01:33 PM
اخوي فلاح المورقي
صح بدنك يالغالي
ولاهنت يالغالي
اسعدني اطلاعك
