قصيدة للحفاه بمناسبةمزاين الهيلا للشاعر فواد الحافي

ابدا
بذكر الله قبل كل مخلوق=ماخاب من هو طالبه ويترجاه

سبع رفعنه على السبع من فوق=الي خلق للكون وبعلمه أحصاه

يا الشعر طاوعني على كل طاروق=على الوفاء والطيب نطقه ومبناه

ماكل مطرود مقيم وملحوق=مزاين الهيلا قضا ماوصلناه

صار العمل من دون ربعي لنا عوق=وبعد الدير من دونهم ماحسبناه

الله يسيرنا على الخير بوفوق=حتى تشوف العين من هو تمناه

ربع لهم بالعزتاريخ موثوق=كل يقول ونعم لاقالو حفاه

آلاد حافي تاج للراس من فوق=محلهم فخر(ن) لنا يوم ننصاه

سلام مني عد مالاحت بروق=وعداد مايمطر على الأرض من ماه

على الرجال اللي لهم سلم وطروق=الضيف لاجاهم يعجل له قراه

طيب معه فعل على ساس وعموق=ساسه من الجدان من طيب مجناه

اهل الفعول بفعلهم ردو النوق=بسيوفهم فوق المهار المغذاه

رجالهم ماهو على الطيب مسبوق=يشرب لفنجال الخصم ويتحداه

يشهد نطاق بطلعة الشمس بشروق=ويشهد لهم ريحان والفعل سماه

نعط الرجال حقوق ونرجع حقوق=والخصم لاعاند نحده على أقصاه

بوارديه رمينا دوم موثوق=شجاعة والرجل فعله بيمناه

ياعزوتي في مدحكم كلش يلوق=يعجز عن التعبير قافي ومعناه

فعولكم زادت على الوصف وتفوق= كل الوصوف وكل شعر نظمناه

من غير قاصروالقبايل لها حقوق =طيب القبايل نذكره ماجحدناه

من صادق إحساسي معه نبض معلوق =مني سلام والتحيات مهداه

لألاد حافي كلهم سلمو العوق=ومن السلام نقدم لضيفنا ازكاه

يالاد حافي جعلكم دايم فوق=في المنزل العالي على العز والجاه

وختامها صلوا على خير مخلوق=صلوا عليه وسلموا عند طرياه

الشاعر/ فواد بن سعد بن خرصان الحافي

صـــــــــــــــــــح لسانك يا بن خرصان!!!

صح بدنك والمشاهدين جميعا