ينخاكم السميري ويحذف شماغة وعقالة

بين تحليق الصقور وفوق هامات الجبـال
مع براد أبها البهيـه والسمـاء الغايمـه
.
ماني بيمّ الجنوب ولانـي بيّـم الشمـال
يم عاصمة السعوديـه هجوسـي حايمـه
.
يم معشوق القلوب ولا سوى نادي الهلال
حامت هجوسي وقالت عنه ماني شايمـه
.
وبين هقوات العقول وبين ذب الإحتمـال
قال الأزرق كلمته واحيا القلوب النايمـه
.
الله اللي يعطي وياخـذ ولا فيهـا جـدال
واحمده يومه عطاني حب مانـي سايمـه
.
حب الأزرق يصطفق فالقلب من جال بجال
ومن يحبه لعنبو من هـو بحبـه لايمـه
.
مايوقف قِدم الأزرق كوود من صابه هبال
اشتكا منه الشبـك والعارضـه والقايمـه
.
الغنيمه عشقنا والعشـق باقـي لا يـزال
جعلها لـك يالهلالـي كـل يـومٍ دايمـه
.
والعمل والجهد والمنتوج لرجـال الهـلال
والفشل للنصر خله كـل سـاع يزايمـه
.
الهلال اسم ومسمى فوق لايمكـن يُطـال
والنصر ؟ مابه نصر دايم دروجه صايمه
.
يازعيم الأنديه بالهون لاترخـي العقـال
الجيّف لو تنضرب للصبح ماهـي قايمـه
.
الثلاثه كافيـه وانـا كفيـلٍ فـي مقـال:
(بعدها ماتقوم للنصر المشفّـح قاااايمـه)

.

.

تكفوووون يعيال عمي تكفون أبيكم تقولون القصيدة هذي موزونة والا لا

موزونه بس

لو مهي في مجال الكوره
اعتقد انك راح تبدع في مجال غيره

((ما احب الكوره)<<<<<<<<<<< نصراوي خخخخخخ

مع براد أبها البهيـه والسمـاء الغايمـه
بعدها ماتقوم للنصر المشفّـح قاااايمـه
....
في العجزين ثقل بسيط لايعتبر كسر ..
هذا مالاحظته ..
والقصيده بشكل عام موزونه ورائعه ..
.. صح لسانك
....

السميري ..

ياليتك ابعدت عن الالفاظ اللي مالها داعي ..

ياخي هذولا اخوان لنا وابناء بلدنا وشلون تسميهم جيف ..

ترضى تقال هالكلمه لك ..

ياليت ترتقي فاللفظ والعالمي والهلال اشقاء مهما صار ..

متعب الروقي

حامت هجوسي وقالت عنه ماني شايمـه
.
عندك هذا البيت .. فيه ثقل ..
واضح ..


ونتمنى ان نرى ابداعك في غيرهااا ..