من بغى يلعب يميل يمي !!

السلام عليكم ورحمة الله وبركاته
صبحكم الله بلخير
صاروق خفافي بعد غيبه


يا سلام الله على الأجوادي=ردتن منها يفور الدمي
راعي العلطا حضر فـ النادي= من بغى يلعب يميل يمي

وعليكم السلام ياراع العلطا

واستلم مايلي..

مرحبا باللي لهاه تنادي=والجواب اللي نقوله.. سمي
منتدانا مثل نجم بادي=والنوادي مجلس أهل الذمي

ياعميل الخير وينك غادي=جيت راسك ضايعً في كمي
منتدايه و الشداد شدادي=وانت لاخالي ولانتب عمي

عالجبل ماننحدر للوادي=وعارف(ن) في كيفها والكمي
منتدانا والبلاد بلادي=مار لا تزعل ولا تهتمي

انت في وادي وانا في وادي=لا تخلينا نخمك خمّي
انت لابس لك ثياب جدادي=ولا انا فـ الملعبه لي كمّي

راعي العلطا سواة الرادي=في علومه ماتعدى الفمي
ثوبي اللي لابسه مابادي=وكان صابتك الفجيعه سمي

صح لسانك وتصبح على خير تشرفت بلعب معك

هههههههها


صح بدنك ياولد عاصم.. والوكاد ان الشرف لي

ونعم بقطمان المحازم ولاكن مانيب عصيمي

العتب على الذااااااااااااااكره من زمان عنكم

؛؛تصبح على خير يالقرم؛؛

طاروق رائع


شكراً لكم ياشعار