اطرف شاعر سداااااااااد

سلام يالهيلا وانا راعي محل=من ضامري تشمل جميع اللي قرى

المعتصم جاكم ويمشي في مهل=راع الرديه لا يجي يرجع ورى

يامرحبا وانتم لنا مثل الاهل = والله يحيكم وفا ماهو زرا
انا معك والطيبه فعل وعمل = ولا الردا ماله معي بيع وشرا

دام البقى والصبر بالتالي عسل=يا تاكله وإلا قبيلك به سرى

موروثنا وشبه تراجع وإضمحل=قلي علامه صار في قاع الثرى


استأذنك ولنا عوده بعد المغرب ان شاء الله

خذ راحتك يالطيب اللعب على حسب الظروف
لكن ان شاء الله موجود بعد المغرب ان ربي اراد



ان كان عندك وردةٍ جاك النحل = واخذ العسل صافي معك للمعصرا
موروثنا هدٌوه شعٌار الغزل = ولا من اول مثل ضلعان الكرا

العلم عندي صاحبك ضد الجهل=اقرب نبا نختار لك مما نرى

يعني غدا به ذاك صياد الحجل=والا غدا به من بغى به يشهرى

ان غرزت فوق الجبل عطها الدبل = وان بوشت كل الامور مدبرا
من يلقح الناقه بعد مات الفحل = ياصاحبي والله تراها مسخرا

عندك جبل عندي ترى يصبح سهل=ومعودٍ نفسي على عس القرى

احدٍ فتل واحدٍ على همه بتل=شرواك يظهر ما يجي خلف الذرى

خابرك ماتزرع مع الكادي بصل = ماتزرع إلا مسك عود وعنبرا
ياليت للشعٌار سجن ومعتقل = الروس تخضع تحت حدٌ الابترا

اعبر ما دام الدرب قدامك عدل=واللي طرا بخاطرك عندي ما طرى

يا فكرتي منهم ومن شيٍ حصل=والجيب منهم يا عميلي انفرى

تشرفت باللعب معك يا عبدالله والقادم احلى

ان شاء الله والختام عندك طال عمرك

بعض المخاطر مالها صنف وبدل = والنفس تشقى والدروب مسكرا
الله يخارجنا ليا صارت هزل = ياصاحبي ماتعتدل بالسمكرا


الشرف لي طال عمرك وتشرف وتنور في اي وقت

صح بدنك لاهنت يا الذيب