ياسلام الله سلام اسلام ياربعي عتيبه
ابوعتابه02-Dec-2003, 10:02 PM
كل عام وانتم بخير
بعد عيد الفطر
والطارف منكم يقرب.
ياسلام الله سلام اسلام ياربعي عتيبه
من هجـــوسن وااافيه وتسر كل اااالغانمينا
السماء فيه النجوم اللامعه والبحر هيبه
والبضايع رخصها في السوق من جور السنينا
طلال الثعلي02-Dec-2003, 10:38 PM
وانت بخير ياغالي
واستلم
مرحبا حييت والطيب ليا جاء نعتزيبه
خص لاصار المسلم شاعرا منا وفينا
النجوم اللي تعلت سامره والا رقيبه
كان عندك علم هاته وانت سيد العارفينا
مرزوق المغيري العطاوي02-Dec-2003, 10:55 PM
ابو عتابه
السماء فيه النجوم اللامعه والبحر هيبه
والبضايع رخصها في السوق من جور السنينا
طلال
النجوم اللي تعلت سامره والا رقيبه
كان عندك علم هاته وانت سيد العارفينا
مشجع لصفين
واصلو
ابوعتابه02-Dec-2003, 11:07 PM
اسمع اسمع
الله الله ..
البقاء ياشاعرن يضفي على الشعار طيبه
من عتابه ربعنا وقت الشدايد ماتلينا
انت سيد الدار والايام قدامك صعيبه
والدهر حاف الجمال الي تقرقع بالحنينا:D
ابوعتابه02-Dec-2003, 11:10 PM
الاخ مرزوق العطاوي
حياك الله ومرحبا بك.
طلال الثعلي02-Dec-2003, 11:35 PM
معكككككككككككككم
انت ابونا كلنا وان كان جايبلك مصيبه
روح عنا روح عنا لانجيك ولاتجينا
والجمال اللي تشيل الحمل تضوي فالزريبه
ماعليها وسمنا والله يعز المسلمينا
طلال الثعلي02-Dec-2003, 11:37 PM
مرزوق العطاوي
كل عام وانت بخير
و شكرا لمرورك ياغالي
ابوعتابه03-Dec-2003, 09:21 AM
اسمع اسمع الله يعطيك العافيه.
اصلح النيه ولا يلحقك ياذيبان ريبه
روح سيدك لاتلفت في اليسار وفي اليمينا
ناد مرزوق العطاوي والعطياني صحيبه
والله اني لاعزل الراسب عن الي ناجحينا:D
الحر الأشقر06-Dec-2003, 01:42 PM
بيض الله وجهك يا أبو عتابه وبيض الله وجهك ياطلال وأشهد شهادة حق إنها من افضل المحاورات واللي لا يهينكم يالإثنين وواصلوا حنا معكم متابعين
طلال الثعلي08-Dec-2003, 12:19 AM
الاخ ابو عتابه
اعذرنا على التأخير
لظروف الدراسه الله يخارجنا منها
واستلم:
نيتي نية عتيبياً زمانه جاب غيبه
يالله استر قدم تاصل للحلوق ولليدينا
والعطاوي ميسمه حامي ومن جاه ابتليبه
والعطياني كسب كسب الرجال الطيبينا
وصل العطياني؟؟؟08-Dec-2003, 02:00 AM
أبو عتابة ...
علامك على عيالك؟؟!!!!
حييييييييييل .. وش أنا مسوي;)
على العموم :
واصلوا والله يعطيكم العافية...
فأنتم رائعين بحق...
تحيااااااااااااااااتي.
ابوعتابه10-Dec-2003, 08:03 PM
اسمع اسمع
انت ياراع المحاني ما على مثلك ضريبه
دام ناشب في الدراسه خل مشيك بالهوينا
وباقي العربان من جده ليا حد الضريبه
ودنا نعرف منازلهم عسى الخافي يبينا
شكرا ماقصرت ياطلال الله ينجحك ياولدي
والخاتمه من عندك.
والشكر موصول لمن شاركنا في هذه الصفحه.
