سلام ......... اقرب ذيب
خـالد الحافـي14-Aug-2008, 12:03 AM
سلام الله عدد ما لاح بـــرق ودنّ رعـــادي=عليكم يا هل المعروف قوم الصيت والهيبه
واثنيّبه على الزوار واعرف سلم الاجـــوادي=وانا حاضر معي حجّه وربعي ربعي عتيبه
عمير الثبيتي14-Aug-2008, 12:37 AM
عدد ماهاج موج الاطلسي مع موجة الهادي= هلا يامرحبابك يارضي مليون ترحيبه
بعد جئيت الحلال اللي كرمها مايجئ عادي= عسى لليلك يضويبه قمر والناس تسريبه
خـالد الحافـي14-Aug-2008, 12:57 AM
عدد ماهاج موج الاطلسي مع موجة الهادي= هلا يامرحبابك يارضي مليون ترحيبه
بعد جئيت الحلال اللي كرمها مايجئ عادي= عسى لليلك يضويبه قمر والناس تسريبه
يدوم ابك البقا ياللي ترحب وانت ذا بادي=عدد ماقلت واكثر ياعميل(ن) في مراقيبه
ولا يا بادي المرقاب حول عنه من غادي=وخله تالي الايام وش لك به تعديّبـــه
عمير الثبيتي14-Aug-2008, 01:12 AM
بدينابه على وضح النقا فى سلم وجهادي = ولاضعنا ولابعنا جملنا اللي نماريبه
ونا بنشدك يومنك مذيع بموجة الرادي =ورا الحافي يسري الشر عن ربعه ويضويبه
خـالد الحافـي14-Aug-2008, 01:29 AM
انا معرف لغات الهند واعرف لغوة بلادي=ولي مذهب ولي منهج جميع الخلق تدريبه
وانا وش لون اجاوب واحد(ن) بين العرب غادي=واضنه يلحقه شكه وبعض علومه) مريبه
معجب العتيبي14-Aug-2008, 01:38 AM
الله الله الله
ابداع وشاعريه فذه
صحة السنتكم
الحافي وبادي المراقيب شكرا لكم
عمير الثبيتي14-Aug-2008, 01:48 AM
تبا تعرف وتحرف ون مشيت الدرب متحادي= بعد شد الحمل فوق الجمل ترقل عراقيبه
بعد قريت ميزانك تحادى سكة القادي= ترى ضيف العشاء يمشي على دبرة معازيبه
خـالد الحافـي14-Aug-2008, 02:30 AM
تبا تعرف وتحرف ون مشيت الدرب متحادي= بعد شد الحمل فوق الجمل ترقل عراقيبه
بعد قريت ميزانك تحادى سكة القادي= ترى ضيف العشاء يمشي على دبرة معازيبه
المعذره على التأخير يابادي واستلم
عليك وسوم من عوده عليك وسوم من عادي=والا واشيب عين اللي يشيل الحمل ياشيبه
تراها فاتتك قدام عينك قدحت زنادي=وانا اشوفك مصاب ومن مصيبه طحت بمصيبه
خـالد الحافـي14-Aug-2008, 02:32 AM
معجب
ياهلا وغلا وصح بدنك طال عمرك
عمير الثبيتي15-Aug-2008, 10:58 PM
ولا يا خالد الحافي عليك الوقت ورادي = يصحي الغافل الراقد ترى كثرة مقاليبه
بعد هاذي علومك فنسدح في مسجد الهادي= ف مأن ولاعليك الخوف والمدسوس ماليبه
خـالد الحافـي15-Aug-2008, 11:25 PM
والا يا بادي الايام تبغا صبر وعنادي=ومثلك لا لحقه الشك ما يوفي مطاليبه
انا اعرف الرجال اللي تشيل الصوت وتنادي=واشوفك باول الطابور علم الطيب تحريبه
عمير الثبيتي15-Aug-2008, 11:54 PM
ولا ياخالد الحافي هنائك الشرب والزادي =أهنيئبك ترى ربعك تودي العلم وتجيبه
على رأسك ترى غورزه من الريحان والكادي= ومثلك في هذا الدنيا تبا تصفي مشاريبه
كش ملك16-Aug-2008, 12:03 AM
هههههههههههههههههههه
صحت السنتكم جميع ... واصلوا لاهنتوا ..
خـالد الحافـي16-Aug-2008, 12:19 AM
تقوله وانا اشوفك تسل السيف وتفادي=تقول انك اللي بالسماء يشهر مخاليبه
لحقك السهر ياذيب واووجاع وسهادي=ولنته بلاقي لك مكانن تصلي بــه
عمير الثبيتي17-Aug-2008, 08:18 PM
ولا يا عنتره قدمك ترى عنتر وشدادي= وسيفه فى العرب ياصاحبي بانت مضاريبه
أنا مابا ترى غوش القدور وفتح الاسنادي= ولا يبقى معك طرقاً على وجهه تغنيبه
ألأخ خالد الحافي سعدت بمحاورتك وختام المحاوره عندك وشكراً على سعة صدرك
أبن عمك بادي المراقيب
عمير الثبيتي17-Aug-2008, 08:20 PM
ألاخ خالد الحافي سعدت بمحاورتك وختام المحاوره عندك وشكراً على سعة صدرك
أبن عمك بادي المراقيب تحياتي
خـالد الحافـي18-Aug-2008, 02:57 AM
بادي المراقيب
انا اسعد طال عمرك وصح بدنك ولاهان راسك يالذيب
اخوك وحزامك
بناخي صياف18-Aug-2008, 09:48 AM
الحافي
ولا يا بادي المرقاب حول عنه من غادي
وخله تالي الايام وش لـك بـه تعديّبـه
بادي المراقيب
ونا بنشدك يومنك مذيع بموجة الرادي
ورا الحافي يسري الشر عن ربعه ويضويبه
ههههههههههه
صح لسانكم ولاهنتم
يزن الهيلوم18-Aug-2008, 10:29 AM
الله الله الله
ابداع وشاعريه فذه
صحة السنتكم
الحافي وبادي المراقيب شكرا لكم
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
