قصة وقصيده لشاعر الدعاجين اهل جرب هملان ابن مثيب ووضع وسم البل على العد

الشاعر هملان بن مثيب بن دخيل الله الدعجاني العتيبي من اهل هجرة جرب وهو من الجبع من الملابسه من الدعاجين من عتيبه من اهل الحفيره ديرة الدعاجين ولاكن عاش هذا الشاعر في الجنوب كان يرحل مع قومه ورى الكلا والماء فعندما احلو بوادي جرب كان هذا الوادي محايد مابين غامد والبقوم وسبيع فاحتموه الدعاجين وحفرو عد اي حسو يخرجون منه الما فوضعو الدلو قريب منه وقامو برسم او خط وسم ابل قبيلة الدعاجين الباب 0على الحصاء المقابل للعد وكان العد لدعاجين فقط يسقون مواشيهم ويشربون منه ويحمون القبايل عنه جو قبايل من غامد يريدون ان يشربون من العد فمنعوهم الدعاجين وصار ذبحه على العد بين الدعاجين وغامد 0ارسل شاعر منهم قصيده قال فيها


الي يوسم دارنا لايحلها=ياكود ماضي من قديم هجور
ياكود جده ماضين مع جدنا=ويمشي علينا بلخوي ويثور
حنا لراشد مثل ضلعن راسي=لاينكسر جاله ولامكسور
وهيض عليه بادين بالصفرا=من العشاء لين اقبل السحور

000 عندما وصلت القصيد لدعاجين وصلوها لشاعرهم هملان قال هملان


خلوه يركب على عمليه=لاهيب لافاطر ولافغرور
ردو خبر هملان لبن عويد=ثم علمه بالثبت والمقرور
الشاعر الي مايعرب جده=تراه حقه سلكة الحنجور
ان كان تنشد جدنا من عتيبه=يومن جدك من عين ابن قنور
اشرب معي من عدي الي حفرته=واشرب معك من عدك المحفور
واشرب معي من عدي الي حفرته=واصدر الياكان الرجال صدور
الذم والله مايرد الطيب=والمدح ماينفعك بالمثور
لاشفت رجلن يمدح عمره=نعمتله ماقلت فيك قصور
هذاك ماينقال له ياشاعر=يقال ياعشن بغير طيور
امحدرن ومسندن تواجهو=تواجهو بالوادي المعمور
انكان تنشد عن محلي ومنزلي=انا صبي العين بين حجور
انكان تنشد جدنا من عتيبه=العود غايب والعيال حضور

هذا وما قدرت على جمعه وطرحه ارجو يحوز على رضاكم

مشكور يامسلط
على ايراد هالقصه الموثقه
ونعم بربعنا الدعاجين

كفو للطايله


محبك

.,

بيض الله وجهك يالجذع على الردودوعلى الترتيب

مشكور يبن العم الله يبارك فيك لاهنت

يعطيك العافيه انت ولاد روق كلهم حبة خشم لكل روقي اممممممه