فتنة الحفل

فتنة الحفل زيدي مشيتك بختره
كل خطوة بروق و كل لفحه صهيل
باقي بين عقلي و الجنون شعره
اقطعيها يا شين عاشق مو هبيل
خلي الارض تاخذ شكل غير الكره
خلي النار تاخذ رمز غير الفتيل
من غدى الليل شعرك قلت انا بسهره
و من غدى الصبح وجهك قلت مالي مقيل
ارقصي .. ارقصي بين حد الذنب و المغفره
ارحلي في سكونك و اسكني في الرحيل
ارجفي كنك الماء فززته حجره
و اثبتي كنك الفضه بعين البخيل
و انحني مثل غصن في طرفه ثمره
و اوقفي مثل فزعات بدوي اصيل
و الفحي علمينا كيف تقدر مره
تزرع الليل صبح و تزرع الصبح ليل
في عيونك سواد يستحيل اخره
كامنً في بياضٍ اوله يستحيل
واحد تخزرين وما يجيك خبره
اشهد انه عزيز و اشهد انه ذليل
اترك العقد بين الجد و الغشمره
يخبر الناس وش معنى جميلك فجميل
كن في الصدر ظبي عيوننا تذعره
ينتفض يذعر الي مذعرينه قبيل
و مفرق الصدر حبة العرق تجهره
كن لك عقد در و عقد من سلسبيل
بينهم حسد ربي بعد ما صوره
عقد وده يجف و عقد وده يسيل
آآه ولا لمحتك مقبله مدبره
شفت مثلي نحيل زم حملٍ ثقيل
دام ذا عجز وش للناس بالمقدره
دام ذا خصر وش لي بالخواتم بديل
وسط ثوبٍ خيوطه صمت في ثرثره
به قليلاً كثيراً و به كثيراً قليل
كل شيء بجسمك يفضحه يستره
فيه فتنه قصير و فيه حشمت طويل
كنه المخطي الي يطلب المعذره
و كنه دامح الزله عن الي يعيل
في ردونه نقوش له سنابل ذره
الله اعلم لو ان الريح هبت تميل
كل شيء و نقيضه فيك بالمسطره
اقرب من النفس وابعد من المستحيل
كنك الكذب لكن محدا ينكره
و كنك الصدق و لكن مافي يدينا دليل
باشت الغيد زيدي مشيتك بختره
لاجل اطاول بحرفي شامخات النخيل
شاعرٍ تلمس ايدينك على دفتره
تغرق في اوسط اوزانه بحور الخليل






فهد عافت

صح لسانه



الله يعطيك الف عافيه

صح لسان قايلها

ابو مصلح

ولد ميسان


شاكر مروركم العطر