الغــــاء سفارة ........ سعود العصيمي
فواز السعيدي17-Aug-2009, 05:58 AM
ابو طــــائل صباحك شعر يالغالي ,,
اذا سمح وقتـــــك ::)
سلام الله بردية طرفها مثل شوك التين = وشوك التين مايثمر بخوخ وطلع رمّاني !!
اعاين نشرة الاخبار لين ان العلوم اتبين = يقولون الغت امريكا سفارة شانها شاني !!
راعي العليـــا17-Aug-2009, 06:18 AM
]صــــــح لسـانـك تقبـل مروري
اخوكــــ/ راعي العليــــا[/frame]
نوآف الغنامي17-Aug-2009, 11:15 AM
الله الله الله
صح الله لسانك يالسعيدي
ابدااااااع
وننتظره ليكتمل بحضوووور ابو طايل
وصح لسااانه مقدمااا
فايز بن سرحان الثبيتي17-Aug-2009, 11:28 AM
سلام الله بردية طرفها مثل شـوك التيـن
وشوك التين مايثمر بخوخ وطلع رمّاني !!
اعاين نشرة الاخبار لين ان العلوم اتبيـن
يقولون الغت امريكا سفارة شانها شاني !!
الله الله يابو عايش صح لسانك مليار
وفي انتظار نشرة الاخبار والمبدع ابو طايل
فواز السعيدي17-Aug-2009, 11:51 AM
راع العليا
صح بدنك يابعدي
لاهنت
فواز السعيدي17-Aug-2009, 12:16 PM
خيال الصفراء
صح بدنك يابعدي
لاهنت
العـوني17-Aug-2009, 12:18 PM
ياسلام يافواز صح لسانك وفي
انتظار المبدع سعود
فواز السعيدي17-Aug-2009, 12:19 PM
ابو سرحــــــــــان صح بدنك يابعدي
لاهنت لاهنت على تواجدك الرائع
سعود العصيمي17-Aug-2009, 07:43 PM
مرحبا يافواااز والمعذره على التأخير ماني بموجود
هلا يامرحبا ترحيب راسه راس ابو بكلين = وابو بكلين مسرف في جبال الارض من داني
والا يامتابع الانباء تنبا بالنباء من وين = عسى مالله مصخر لك بعد هدهد سليماني
فواز السعيدي17-Aug-2009, 08:04 PM
الله الله
هذاه القاف اله معنى نبا نبداه من ذلحين = رضى ولا زعل جيب الحقيقة قلب ولساني !!
تنبيت وسمعت العلم ياعصيمي وشفت بعين = سبب طرد السفيراليا هرج بالحق غلطاني !!
فواز السعيدي17-Aug-2009, 08:05 PM
العوني صح بدنك يابعدي
لاهنت
صاهود17-Aug-2009, 08:19 PM
صح السانك ياشاعر خنذف مبدع
العذر والسموحه
الصف عصيمي
وصح السان ابوطايل
فواز السعيدي17-Aug-2009, 08:23 PM
هلا ياذيبان صح بدنك يابعدي
لاهنت
أبو فيصل الدلبحي17-Aug-2009, 08:29 PM
نقاش عمالقه بكلام من ذهب
السعيدي صح لسانك
مبدع الله لايضرك
سعود العصيمي
صح لسانك
وانا في صفك
ولاهان السعيدي
فواز السعيدي17-Aug-2009, 08:32 PM
ارحب يابو فيصل صح بدنك يابعدي
ماتهون طال عمرك
ابوتيجان17-Aug-2009, 09:55 PM
فواز
اعاين نشرة الاخبار لين ان العلوم اتبيـن=يقولون الغت امريكا سفارة شانها شاني !!
سعود
والا يامتابع الانباء تنبا بالنبـاء مـن ويـن=عسى مالله مصخر لك بعد هدهد سليمانـي
صحت السنتكم وبيض الله وجيهكم على انتهاج هالنهج
رعد الروقي18-Aug-2009, 12:13 AM
هلا يامرحبا ترحيب راسه راس ابو بكليـن
وابو بكلين مسرف في جبال الارض من داني
هههههههههه
صح لسانك مليون يا سعود العصيمي
وصح لسان فواز
الابداع حليفكما
متابع وفي صف سعود جهرا
عشقA18-Aug-2009, 03:37 AM
صح لسااااانك يافواز وصح لسااااانك ياسعود
ابدااااااااع واااااصلوا.....
متابعين....
تقديري....
قادح شرار18-Aug-2009, 09:38 AM
ذيب الملاعب18-Aug-2009, 10:50 AM
صح لسانك ياشاعر هذيل عز الله مافيك حيله
وصح لسانك يابوطايل عز الله رد وافي
واصلوا بيّض الله وجيهكم
سعود العصيمي18-Aug-2009, 12:21 PM
فوااز :
المعذره مرة اخرى الاتصال ماساعد البارحه،،
تهيض يابن عايش بالمعاني والعلوم تزين = رضى والا زعل ماقدمك الا الذيب سرحاني.
لياجبت الك حجة جب سندها والشهود ثنين = قضاة الحق في دين الشريعه تلجم الجاني
سعود العصيمي18-Aug-2009, 12:29 PM
خيال الصفراء
ابن سرحان
العوني
ذيب عرواا
العمده
ابوفيصل الدلبحي
ابوتيجان
عشق
ذيب الملاعب
مرحبا بالجميع
الله يحيي كلٍ باسمه
محمد الحمادي18-Aug-2009, 12:46 PM
الله على الدرر :)
مبدعيين وشعراء كبار ,
أسآتذة الفتل والنقض , أستمروا بالإبداع ونحن متابعين :)
فواز السعيدي18-Aug-2009, 12:48 PM
طيب طيب
بوسط الصالة اللي جنبنا جا مؤتمر برلين = كشف كل الحقايق واحدٍ ماهوب نصراني !!
ويوم ان الحقايق باينت حدّيتو السكين = تبون المرجله من كسبكم ياطوال الايماني !!
فواز السعيدي18-Aug-2009, 12:51 PM
ابو تيجان
العمــــدة
عشق
قادح شراار
الحماادي
لاهنتو يالنشاما
صحت ابدانكم جميع
سعود العصيمي18-Aug-2009, 01:37 PM
ههههههههه
مادام المؤتمر ناسبك ماناسب صلاح الدين = صلاح الدين في حطين يذكرك إب نباء ثاني.
لياقمنا خذيناها قلاعة يالشريف حسين = لاتنسى ماذكرنا كيف تعرفني وتنساني
فواز السعيدي18-Aug-2009, 03:00 PM
ياسلااااام
تقنّع بالقناع الزين من دون القناع الشين = اثر هاذي سياستكم مع البنك البريطاني !!
كفو ياصحابنا العتبان ياللي كثر شعب الصين = وانا ازعل كل مايزعل معي واحد من اخواني !!
سعود العصيمي18-Aug-2009, 06:05 PM
الله الله
قناعي تعرفه ضرب المشوك فالقسى واللين = ولولا رحمة الله مابقي فالوقت هذلاني
والا ياكثركم ياهذيل في ضلع الهدا وازين =لكم كره وفره مار ماهي ضد عتباني
سعود العصيمي18-Aug-2009, 06:19 PM
فوااز السعيدي =
سلام الله بردية طرفها مثل شـوك التيـن=وشوك التين مايثمر بخوخ وطلع رمّاني !!
اعاين نشرة الاخبار لين ان العلوم اتبيـن=يقولون الغت امريكا سفارة شانها شاني !!
سعود العصيمي=
هلا يامرحبا ترحيب راسه راس ابو بكليـن=وابو بكلين مسرف في جبال الارض من داني
والا يامتابع الانباء تنبا بالنبـاء مـن ويـن=عسى مالله مصخر لك بعد هدهـد سليمانـي
فوااز السعيدي =
هذاه القاف اله معنى نبا نبداه مـن ذلحيـن=رضى ولا زعل جيب الحقيقة قلب ولساني !!
تنبيت وسمعت العلم ياعصيمي وشفت بعيـن=سبب طرد السفيراليا هرج بالحق غلطاني ! !
سعود العصيمي=
تهيض يابن عايش بالمعاني والعلوم تزيـن=رضى والا زعل ماقدمك الا الذيب سرحاني.
لياجبت الك حجة جب سندها والشهود ثنين=قضاة الحق في دين الشريعه تلجم الجانـي
فوااز السعيدي =
بوسط الصالة اللي جنبنا جا مؤتمر برليـن=كشف كل الحقايق واحدٍ ماهوب نصراني !!
ويوم ان الحقايق باينـت حدّيتـو السكيـن=تبون المرجله من كسبكم ياطوال الايماني !!
سعود العصيمي=
مادام المؤتمر ناسبك ماناسب صلاح الديـن=صلاح الدين في حطين يذكرك إب نباء ثاني.
لياقمنا خذيناها قلاعـة يالشريـف حسيـن=لاتنسى ماذكرنا كيـف تعرفنـي وتنسانـي !
فوااز السعيدي =
تقنّع بالقناع الزين مـن دون القنـاع الشيـن=اثر هاذي سياستكم مـع البنـك البريطانـي !!
كفو ياصحابنا العتبان ياللي كثر شعب الصيـن=وانا ازعل كل مايزعل معي واحد من اخواني !!
سعود العصيمي=
قناعي تعرفه ضرب المشوك فالقسى واللين=ولولا رحمة الله مابقـي فالوقـت هذلانـي
والا ياكثركم ياهذيل في ضلع الهدا وازيـن=لكم كره وفره مار ماهـي ضـد عتبانـي
فواز السعيدي18-Aug-2009, 06:36 PM
طيب طيب
سفير المملكة لومنطرد من دولة البحرين = يبا يظهر حفيل ابن خليفه ثم ابن ثاني !!
الا ياسعود في دمك سياسة مار جتك منين = حرفت العلم عن مجراه بالمقصود والعاني !!
فايز بن سرحان الثبيتي19-Aug-2009, 12:53 PM
قناعي تعرفه ضرب المشوك فالقسى واللين
ولولا رحمة الله مابقـي فالوقـت هذلانـي
والا ياكثركم ياهذيل في ضلع الهدا وازيـن
لكم كره وفره مار ماهـي ضـد عتبانـي
الله اكبر ياسعود
سفير المملكة لومنطرد من دولة البحريـن
يبا يظهر حفيل ابن خليفه ثم ابـن ثانـي !!
الا ياسعود في دمك سياسة مار جتك منيـن
حرفت العلم عن مجراه بالمقصود والعاني !!
ياسلام يابو عايش ماتفوتك مايضيع حق ووراه مطالب ههههه
صحت قبوبكم
سعود العصيمي19-Aug-2009, 01:13 PM
ههههه
صح لسااانك مليووون
يااستأذ وبيض الله وجهك على هذه الفرصه السعيده
وتمنيت انها مباشره لانهاء القااف بوقته
استلم والختااام لك ان حبيت.
والا ياصاحبي فوااز خل الملعنه بعدين = بعد حلٍ مضى مامعك حل بطير حوراني!!!
انا رجلٍ معي حكمة واحب المزح حين وحين = وبعض الناس ما يعرف مزح يالله لاتبلاني؟؟
سعود العصيمي19-Aug-2009, 01:17 PM
فوااز السعيدي =
سلام الله بردية طرفها مثل شـوك التيـن=وشوك التين مايثمر بخوخ وطلع رمّاني !!
اعاين نشرة الاخبار لين ان العلوم اتبيـن=يقولون الغت امريكا سفارة شانها شاني !!
سعود العصيمي=
هلا يامرحبا ترحيب راسه راس ابو بكليـن=وابو بكلين مسرف في جبال الارض من داني
والا يامتابع الانباء تنبا بالنبـاء مـن ويـن=عسى مالله مصخر لك بعد هدهـد سليمانـي
فوااز السعيدي =
هذاه القاف اله معنى نبا نبداه مـن ذلحيـن=رضى ولا زعل جيب الحقيقة قلب ولساني !!
تنبيت وسمعت العلم ياعصيمي وشفت بعيـن=سبب طرد السفيراليا هرج بالحق غلطاني ! !
سعود العصيمي=
تهيض يابن عايش بالمعاني والعلوم تزيـن=رضى والا زعل ماقدمك الا الذيب سرحاني.
لياجبت الك حجة جب سندها والشهود ثنين=قضاة الحق في دين الشريعه تلجم الجانـي
فوااز السعيدي =
بوسط الصالة اللي جنبنا جا مؤتمر برليـن=كشف كل الحقايق واحدٍ ماهوب نصراني !!
ويوم ان الحقايق باينـت حدّيتـو السكيـن=تبون المرجله من كسبكم ياطوال الايماني !!
سعود العصيمي=
مادام المؤتمر ناسبك ماناسب صلاح الديـن=صلاح الدين في حطين يذكرك إب نباء ثاني.
لياقمنا خذيناها قلاعـة يالشريـف حسيـن=لاتنسى ماذكرنا كيـف تعرفنـي وتنسانـي !
فوااز السعيدي =
تقنّع بالقناع الزين مـن دون القنـاع الشيـن=اثر هاذي سياستكم مـع البنـك البريطانـي !!
كفو ياصحابنا العتبان ياللي كثر شعب الصيـن=وانا ازعل كل مايزعل معي واحد من اخواني !!
سعود العصيمي=
قناعي تعرفه ضرب المشوك فالقسى واللين=ولولا رحمة الله مابقـي فالوقـت هذلانـي
والا ياكثركم ياهذيل في ضلع الهدا وازيـن=لكم كره وفره مار ماهـي ضـد عتبانـي
فوااز السعيدي =
سفير المملكة لومنطرد من دولة البحريـن=يبا يظهر حفيل ابن خليفه ثم ابـن ثانـي !!
الا ياسعود في دمك سياسة مار جتك منيـن=حرفت العلم عن مجراه بالمقصود والعاني !!
سعود العصيمي=
والا ياصاحبي فـوااز خـل الملعنـه بعديـن=بعد حلٍ مضى مامعك حل بطير حورانـي!!!
انا رجلٍ معي حكمة واحب المزح حين وحين=وبعض الناس ما يعرف مزح يالله لاتبلاني؟؟
عقاب العنزي19-Aug-2009, 01:23 PM
الله اكبر
اشهد بالله قاف ولااروع وشعّار مبدعين
صحة الالسن والقلوب
..
سلطان بن دحيم19-Aug-2009, 02:59 PM
صحة السنتكم
طاروق من الدرجه الاولى
شعار مبدعين
تحياتي
زبن الجعفري العنزي19-Aug-2009, 03:19 PM
فواز السعيدي
سعود العصيمي
اساتذه من الدرجة الاولى
لكن اعجبني الهذلي في البيت هذا
تنبيت وسمعت العلم ياعصيمي وشفت بعيـن=سبب طرد السفيراليا هرج بالحق غلطاني !!
ولاهان العصيمي
فواز السعيدي20-Aug-2009, 06:11 AM
طيب طيب
" "
صح بدنك يابو طايل مبدع دائما ولمجاراتك ذائقه خاصة ..
..
شكرا لجميع الاخوان الذين تواجدو مؤخرا وصحت ابدانكم
ودي وتقديري
بندر المرشدي20-Aug-2009, 08:03 AM
الله ...الله
قاف رائع رائع
سعود وفواز
صحت السنتكم ياهوامير
