يالله تقدرني..

السلام عليكم ورحمه الله وبركاته

ابيات متواضعه ولها مناسبتها
اتمنى ان تتقبلونها كما هي

يا مرحبا هي بالزمن راس مالي=يالله تقدرني على قولها امين
واموت فيها قبل اوصي عيالي=يبدونها لا جوهم الناس لافين
على الشحم ومبهرات الدلالي=والطيب والقومات واليسر واللين
هذي عوايدنا من اول وتالي=وان جارت الايام ما نقبل الدين
ومن لا يرحب يوم جوه الرجالي=لا كاسبٍ دنيا ولا كاسبٍ دين
ياللي تهزوابي ليا جا مجالي=ما اذكر لكم زينٍ ولا اذكر لكم شين


وسلامتكم..

صح لسانك يالمرار

ومن لا يرحب يوم جوه الرجالي @@@ لا كاسبٍ دنيا ولا كاسبٍ دين

الله الله

الشاعر اذا ما تنومس قصيدته ما هو شاعر
و انت تنومس عز الله قصايدك
و القصيد
اما كذا ولا فلا :)

صح لسانك ملايين
بانتظار الجديد على احر من الجمر

ولد عساف

يا مرحبا لا هنت على المرور

الشاعر علي خيران العتيبي

يا مرحباااا ويعلم الله انك تهيض وتنومس بالمحاوره والنظم يالبناخي :)
ولا هي غريبه عليك مرورك يعني الشي الكثير يا ذييب

لاهنت يابو خيران