ياسلام الله علاكم ... قرب يالنداوي
عبدالله العصيمي@19-Apr-2010, 08:51 AM
ياسلام الله عــــــلاكم يارياجيل الجهامه ... في محل عامرآ بالطيب ورجال العزاوي
يالنداوي من بغاله حاجتن يكرب حزامه ... والرجال تقدر المجهـــود وتكب الرشاوي
سعود البرقاوي19-Apr-2010, 09:03 AM
الله الله ياعبدالله
صح الله لسانك مليون وسجل اعجابي في مباديك الاحترافية
متابع والصف صفك هالمرة مافيها كلام
عبدالله العصيمي@19-Apr-2010, 09:08 AM
مرحبابك ياسعود وانا من مشجعينك الله يطول عمرك
سواء كنت في صفي ولا منت في صفي
متعب المقاطي العتيبي20-Apr-2010, 07:01 PM
اسف عـــ التأخير
وحياك الله يالعصيمي
ياعتيبة غلطت الرجال تاضح في كلامه=والعصيمي في محلة سلم... ورحب نداوي
شد حيلك والبعير اشعيل لاتفلت خطامه=لو حمول اشعيل مالت يابعيدين الهقاوي
عبدالله العصيمي@20-Apr-2010, 07:40 PM
الله يحييك ومافيه تأخير انشااالله
احمد الله يا عميــــلي مـــا عـــلى مثـــلي ملامه ... سنة الأسلام اطبقها وانا سارح وضاوي
كان عندك قلب ذيب انص الجمل وخطف سنامه ... لا تزيــد ولا تنقــص فالكـــلام وفالدعاوي
متعب المقاطي العتيبي21-Apr-2010, 04:20 AM
حياك الله يالعصيمي واستلم لاهنت
بهر دلالك وقلط للمسايير الكرامة=دامها تقدح زنودك وانت للميقاف قاوي
حط يمناك الشريفة فوق راسك والعمامة=هرجت الشاعر تراني ياعرب عنها غناوي
عبدالله العصيمي@21-Apr-2010, 09:41 AM
مرحبابك وستلم
الدلال مبهره والراس ضـــــاري بالقرامه .... والزنود اليا قدحناها ترجع كل غاوي
هرجتي فيها كلافه والبحر تسعين قامه .... ميـر ماكلـن يطبــه يابعيـدين الحراوي
الناضم21-Apr-2010, 10:50 AM
الله الله
وأنا بصف النداوي ولايهون العصيمي
آبــن جمــآعــآن21-Apr-2010, 08:07 PM
صحــــــــــــــــــة الســــــــــــــــــــــــــنـــــتــــــكم
مشااااااء اللــــــــــــــــــــهـ علــــــــيـــــــكم
عبدالله العصيمي@22-Apr-2010, 03:53 PM
الناضم ..... هلابك ولا هنت يالغالي
عبدالله العصيمي@22-Apr-2010, 03:55 PM
ابن جمــــــا عـــــان ..... صح بدنك والله لايهينك
تحيتي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
