تخرب الدنيا سبايبها (( يـــ @ماجد@

انا شوف الهذيلي بين جيرانه يشب النار = عوايد والعوايد عند اهلها ماتجنبها
على ماقلت في قافي تبي تشهد لي الحضار = صحيح ان المقرد تخرب الدنيا سبيابها

انا شوف الهذيلي بين جيرانه يشب النار = عوايد والعوايد عند اهلها ماتجنبها
على ماقلت في قافي تبي تشهد له الحضار = صحيح ان المقرد تخرب الدنيا سبيابها


لاهنت يامرزوق وفي انتظار الهذيلي

تحياااااااااااااااتي

...
ومن قال مايهان يابو حمود..
تحياتي

هلا والله بمرزوق أستلم لاهنت


أشب النار يا مرزوق وأكرم كل ضيف وجار = عوايد والعوايد للعرب تعرف مكاسبها
شهادة خير يا مرزوق لا يقصر بها المشوار = وحنّا لو تركناكم عتيبه من يحاربها!!

متاااابعين



طاروق قوي يا بو محمد
ونحن في الانتظار

هلا والله بالدلبحي وماجد الدغيلبي

شرفتوا المحاوره

انا اقول انتبه وأثبت بخطواتك على المضمار = وناس ٍ ماتفيدك بالشدايد لاتصاحبها
ترى وضعك خطير وفوق راسك زادت الاخطار= ولاتفرح بتحقيق الحلوم اللي حلمت ابها

...
لاهنت ياماجد الدغليبي
شرفنا حضورك..

الله الله

أنا جايي حريص ولا التفت فيمين وألا يسار= وأشوف الناس قد عقولها وأعرف أخاطبها
لك أنصارك وأنا ياصاحبي لي فالوطن أنصار = تحاسب قوم وألا قوم ما تقدر تحاسبها

استلم ياماجد:


ترى قصر النظر خفف موازينك مع الشعار = ياليتك لاعطيت الك النصيحه تستنير ابها
اعرف انصارك من العالم اللي تخلف الانظار= دعت للشر واول شرها في روس اقاربها

أستلم شكلك صايم اليوم !! :);)

أنا شاعر مع أهل العرف ما أجيب الطوال أقصار= وأعرف قبورها وجبالها وأعرف نصايبها
وألا يا صاحب ٍ توزن لنا الحبه مية قنطار = تجيب علوم يا مرزوق مدري كيف جايبها

ياماجد مانشك بقدرتك ياضايع الاشوار = بنيت الدار لكن تالي الرحله تخربها
انا ماقلتها مازح ولا ارميها بلا معيار = يابو نيّه سماويه على كيفك تقلبها

شعار كباااااااااااار
وموضوع طيب

بيض الله وجيهكم

..
الاخ العزيز المسرّي
ماعليك زود
شرفنا حضورك..
كثر من هالزيارات :)

أستلم .. لاهنت

أنا بنذرك يا مرزوق عن ما قلت أخذ إنذار= وبعض علوم تطلبني لوني جيت ما أطلبها
مدام إن الزغل ممنوع لا تزعل ولا تحتار = ولو تنشب تعرف اللي يفك حبال منشبها

الله الله...

كبر راسك على عمك غريبه ويش هاللي صار؟ = نسيت الناقه اللي كنت ادررها إلك واحلبها
ياماجد ماضمنت الك السلامه والفلك دوار = مشيت بسكّة ٍ فاقت حياياها عقاربها

ليا كنت أنته التاجر تراي مورد التجار = وجيه الناس لوتغضب نوينا ذبح مغضبها
لعلك يا وسيع العرف منت الثعلب المكار = ولن قاومت أنا لذيابها خافت ثعالبها

:)

ترى والله لو منت برفيق ٍ لي وقبله جار = علاقتي معك يا مخلف النيات لشطبها
مصيبه مامعك قدره والى شان الزمن تحتار = كبر جسمك ضعف عقلك ولاتحسب عواقبها

الله الله

تدور إبك الرحى وعلومك الليله علوم كبار= ولن جبت المصايب مت قبل تصير جالبها
تبا تأخذ بثارك منت عارف كيف تأخذ ثار = أثرك أعمى بصيره والحضاره ما تواكبها

ترى بدري عليك انك تعلم لعبة الشطار = تحدى لك رياجيل ٍ عطيبات ٍ مضاربها
وانا وان قاله الله لحشرك سوات حشر الفار = من اجل انك تتوب من اللقافه ماتقربها

شعراء
كبار
معنى
ولعب جميل
على القوه

قمة الابداع بينكم يامرزوق وياماجد وواصلو وشكرا لكم.
فيصل المسعودي

عساك بستره الضافي على المسناد والمحدار = على قول وفعل وأفعالنا شكلك مجربها
ولا ياصقر ٍ أبيض نظرته نظره وراسه طار = أنا كم ناس يا مرزوق بأمر الله معذبها

...
الشاعر نايف الحميدي
شرفت ونورت... مرحبا الف

...
مرحبا يافيصل
اشرقت الصفحه بحضورك...
تحياتي

يوم جمعه يالله صباح خير :)


وانا اقول انت جعلك من عطيبات السهوم امجار = لأنك لادخلت المعركه منته بكا سبها
علامك قمت تخطيها وجيت مطفي الانوار = صحيح ان الغشامه منك حاجه ما اتغاربها

الاخ مرزوق العتيبي والأخ ماجد محاوره كبيره عساكم على القوه

...
مرحبا ياسلطان
حضورك اسعدني..
كل الود

استلم ياماجد:


ترى قصر النظر خفف موازينك مع الشعار = ياليتك لاعطيت الك النصيحه تستنير ابها
اعرف انصارك من العالم اللي تخلف الانظار= دعت للشر واول شرها في روس اقاربها

الله يعطيكم العافية يااساتذة
محاورة جزلة معانيها

واصلوا يامبدعين
وحنا متابعين

وتقبلوا تحياااااتي

محاوره قمه
استمروا والمتابعه مستمره.

...
الاخوان
خلف مرزوق
نايف الحميدي..
كل الشكر لكم على تواصلـــــــــــــــــكم.

الليل الليل

ليامني اسلمت انته سلمت وبانت الأسرار= وليا منك بغيت النار تآكلكم مشاهبها
أقلك عيد تفكيرك وكل إنسان إله أفكار = تبا تحتال مع محتال والأرزاق طار إبها

الي جميع من حضر

وجودكم هو ما يجعلنا نستمر ونجاري الإبداع

تحياااتي للكل وأهلا بكم

ترى حنا الرجال اللي نقدك قدّت المنشار = غيرك ناس ٍ تحدتنا ونتفنا شواربها
غلطت وغلطتك تكفيرها تستغفر الغفار = ونفسك في طريق الخير والمعروف دربها

الله الله أستلم

أنا مرزوق لو جيته من الذله بساقه غار = يبا الفكه لكن هيهات من عندي يسير إبها
أنا لا أحرمت بيت الله رميت بليس سبع جمار = ما أجي مشتال لي بندق على بيته مزهبها

أبو منذر ......... ماجد

مبدعين وأنا متابع :)

تحياتي

انا ماودي ابعد عن مسار اللعب يالثرثار = ومن يجهل فنون اللعب ليته مايطب ابها
ترى اللي مامعه قدره ولاقوّة عزم واصرار = يموت وحسرته في وسط قلبه ماتحاك بهامن عندي صح لسانك ياماجد
القفله عندك وجعل ربي مايهينك .

يا سلام يا سلام



كل الشكر لامتاعنا بهذا الطاروق

مرزوق صح لسانك

وتشرفت باللعب معك

الجايات أكثر يامرزوق والصيفيه قااادمه :)

...

ابو علي شرفت
واسعدني حضورك..
كل الود.

..
الشاعر سيف المعاني
الشكر لك يتكرر
على تشريفك..