اقرب يا ثامر ....
عبدالاله المقاطي24-Jul-2012, 04:07 AM
مسا الخير ،،
وكل عام وجميع اعضاء منتديات قبيلة عتيبه بالف خيـــــــــــــررر...
استلم يا ثاامر....
يالقثامي يا زين الثوب ابو زبزور = "مير لا يرثع الرجال "فــ "حثوله"
الدواير لها قطعة ليال تدور = فوق روسٍ بعطر الورد مغسوله
ثامر القثامي24-Jul-2012, 04:16 AM
وانت بخير
يالمقاطي يبى بكرة يجيك الدور = مير اخذلك مع اهل المعرفه جوله
والله انا ما نبغى نكشف المستور = اكثر الناس تال الوقت مهبوله
عبدالاله المقاطي24-Jul-2012, 04:25 AM
سوق حلي وسويقه بالفقر مذكور = ماني بطامعٍ في ثومه وفوله
والله ان الظلام احسن لك من النور = وليت صاحبك معك يريح زموله
ثامر القثامي24-Jul-2012, 04:34 AM
كم لقينا على غصن الشجر عصفور = مير في النار مشويه وماكوله
دام بيت المعرفه ياولد معموور = كل عقده بحيل الله محلوله
منصور الثبيتي24-Jul-2012, 04:37 AM
صح السان كل من الشاعرين ...!
شعراء مبدعين .!
:)
في صفك يالمقاطي ولا يهون القثامي ...!
محمد ناصر الأكلبي24-Jul-2012, 04:41 AM
صحت الألسن
وعليك به يالمقاطي لاترحمه
وانا بصفك
......
عبدالاله المقاطي24-Jul-2012, 05:00 AM
كم لقينا على غصن الشجر عصفور
مير في النـار مشويـه وماكولـه
دام بيت المعرفه ياولـد معمـوور
كـل عقـده بحيـل الله محلـولـه
لو أبا أنقدك أقول اني بدون شعور = "العمى ما يشوف الدرب برجوله!!"
وانت نازل بوسط الوادي المدهور = وتحسب انك بوسط قصور منزوله
محمد احمد الاصلع24-Jul-2012, 05:10 AM
الحثول ماترثع لرجال ياالمقاطي يرثع له اذا كان طويل ويسحب متعدين العراقيب اشهد شهادة حق ان كل منكم شاعر وليته اله اعجبتني الابيات والمعنى المطروق واصلوا ياحلوينوانا معكم متابع للفايده
ثامر القثامي24-Jul-2012, 05:13 AM
يالمقاطي نعرفك خاطرك مكسور = ما يفيد الدوى والرجل مشلوله
تحت فيه عصاتي فالبلد مكبور = يالمقاطي يمنيك ليه مغلوله
عبدالاله المقاطي24-Jul-2012, 05:13 AM
صح السان كل من الشاعرين ...!
شعراء مبدعين .!
:)
في صفك يالمقاطي ولا يهون القثامي ...!
حياك الله يا منصور ولا هنت الصف يزهابك (1)
وصح بدنك..
عبدالاله المقاطي24-Jul-2012, 05:14 AM
صحت الألسن
وعليك به يالمقاطي لاترحمه
وانا بصفك
......
صح بدنك ووو حيااك الله
الصف يزها بك (2)
محمد احمد الاصلع24-Jul-2012, 05:15 AM
يازين بيت القثامي
كم لقينا على غصن لشجر عصفور=========
وبيت المقاطي
انت نازل بوسط الوادي المدهور==========
فعلا الديره مدهره وكيف لقيت العصافير ياالقثامي مادام انها مدهره هههههههههههههههههههه
ولو انها حيا يمدي صلعة الاصلع نبتت بالشعر من اولمس
عبدالاله المقاطي24-Jul-2012, 05:25 AM
يالمقاطي نعرفك خاطرك مكسور
ما يفيد الدوى والرجل مشلولـه
تحت فيه عصاتي فالبلد مكبـور
يالمقاطي يمنيـك ليـه مغلولـه
انت مدحور وابليس العور مدحور = وناقة ابليس مثنية ومعقوله
يا هل العرف ثامر "راعي الباكور" =من علومه كبود الناس مدبوله
عبدالاله المقاطي24-Jul-2012, 05:28 AM
يازين بيت القثامي
كم لقينا على غصن لشجر عصفور=========
وبيت المقاطي
انت نازل بوسط الوادي المدهور==========
فعلا الديره مدهره وكيف لقيت العصافير ياالقثامي مادام انها مدهره هههههههههههههههههههه
ولو انها حيا يمدي صلعة الاصلع نبتت بالشعر من اولمس
هههههههههههههههههههه
حياك الله يالأصلع ومتابعتك شرف..
طراد العصيمي24-Jul-2012, 05:31 AM
تـحـت فـيـه عصـاتـي فالبـلـد مكـبـور
يـالـمــقــاطــي يــمــنــيــك لــــيــــه مــغــلــولــه
اشهد بالله :)
ههههههههههههههههههههههههه
صحت الالسن والقلوب
والصف صف بحر الخليج ثامر
ثامر القثامي24-Jul-2012, 05:48 AM
ابتلشنا معك يا بو العيون العور = تطرق ابواب والابواب مقفوله
انت ياللي عصاتك راسها مشقور = مير بعض الحكي يارجل وش هوله
تاخرت من السحور يا بو زيد
ثامر القثامي24-Jul-2012, 06:14 AM
حيالله من شرفنا
الغالي محمد الاصلع شهادة نعتز بها
والغالي ابو ناصر خلك في صفي وما راح تخسر
والغالي منصور الثبيتي ولا مرة جيت في صفي
والغالي طراد بحر الخليج مرة وحده لاكن شكرا على الطراء الرايع
انا داري تبي تفتح على جبهه والله يكفيني شرك
صحت ابدانكم جميع ولا هنتوا
