قصيدة رثاء في اخي (فلاح)

قصيدة رثاء في اخي (فلاح)
رحمة الله عليه
كتبتها من مده وها أنا اليوم اقوم بنشرها
كحق لزاما علي أن أوديه له
ونسأل الله العلي القدير
ان يتغمد كل موتى المسلمين برحمته
-----------------------------------

يالله يالمنان ياخير مقصود=أسبل عليه من الرضا يوم حشره
عز الرفيق إن حك عودٍ على عود=لصارت أوقات الرياجيل عسره
(فلاح) يامفقود مامنه مردود=من يحيي اللي مدفنه وسط قبره ؟
الله وحده يحيي أموات ورقود=بيني وبينك حال والموت عبره!
سلام ياللي سيرته ريحة ورود=والله مخبر إنه وطى ربع عثره
سيرة مشاكيلٍٍ على الطيب معهود=خوة وجيهٍ طلقة حجاج سفره
دفتر حياته قفل بذكر محمود=بيض الصحاف وموية الورد حبره
يفقدك من حظه من الوقت مظهود=ماله قليل ونايش الساق كسره
تفقدك دارٍ ضمت إسرتك والعود =يومٍ شيبه بان جددت ذكره
يفداك عمري لكن الموت مورود= عـدٍ هماج ويسقي الحي قطره
سنك صغير وفعلك يزود في زود= عشرٍ تزاد بخمس وتزاد عشره
2/10 ثاني العيد مشهـووود=تاريخٍ أودع في صفا القلب حفره
دق إتصال وقدَم إسهود ومهود=نبرة كلامه تكوي الجوف جمره
قلت إختصر صبري على حد محدود=كنك تقول أخوك يفداك عمره؟
قال الصحيح ! وقلت يارب معبوود=ألهم ابوه وعلمه طول صبره
إنتابني ضعف المساكين وشرود=لانه عضيدي لا كسا النذل غبره
وقت اللزم يركض كما طلق بارود=يومٍ غيره يقضي العمر ثبره

-----------------------------------------------------------
أدعوا له معي ولكل امواتنا بالرحمه
------------------------------------------------------------------------------------

الله يرحمه ويغمد روحه فسيح جناته وجميع المسلمين
وصح السانك
وتقبل تحياتي

الله يرحمه ويغفرله ويوسع قبره ويهون حسابه
هو وجميع المسلمين امين يارب العالمين


وصح لسانك وصدقت والله مافي احد يتفانى للإنسان اكثر من عضيده اخوه


تحيتي.............

الأخ / عمر الروقي


أحسن الله عزاؤك ورحم فقيدك ووالدينا وأموات المسلمين عامه


قصيدة جزله


شكراً

اخوي عمر الروقي

عظم الله اجرك في فقيدك والهمكم الصبر والسلوان


اللهم اجعله ممن يقال له :

ابشر بروح وريحان ورب راض غير غضبان

اللهم امين

الله يرحم فلاح ويسكنه فسيح جناتة ويرحم أموات المسلمين

الاخ عمر الروقي

صح السانك

صح لسانك والله يرحم اخوك فلاح رحمتن واسعه
وهذا حال الدنيا يالله حسن الخاتمه
تحياتي

...
..

نسأل الله الغفور الرحيم

ان يغفر له ويرحمه ويجمعك به في الفردوس الاعلى

بعد عمر طويل ان شاء الله


وصح لسانك ولاهنت ياعمر


مودتي

.

الله يرحمه برحمته ويسكنه فسيح جناته

وصح لسانك ياعمر

كفيت ووفيت

تحيتي وتقديري

أخوك /

سهم العضيان
سطام روق
إبن مسلم
صقر الجزيره
قحص
سعد المقاطي
خلف مرزوق
مشعان بن حويد
------------------------------------------
جزاكم الله عنا الف خير
ومشكورين على هذه المشاعر الطيبه والدعوات
التي نرجو من الله ان يتقبلها
------------------------------------------
وصحت ابدانكم ولاهنتم جميع