اقرب شاعر طاورق على السريع
نايف الحميدي09-Apr-2007, 10:23 PM
سلام ياحباني
سلامي على الشعار والشعر ماغاب=وعند العتيبي ماتضيع الوداعه
نبا الشاعر الي لطواريق لعاب=ونا عن كلا م الهزل عندي مناعه
سعود العصيمي09-Apr-2007, 10:33 PM
سلام ياحباني
سلامي على الشعار والشعر ماغاب=وعند العتيبي ماتضيع الوداعه
نبا الشاعر الي لطواريق لعاب=ونا عن كلا م الهزل عندي مناعه
الله الله
ياسلالالالالام
عليك يانايف
صح لسانك
واعتذر عن الرد لاني معي طاروق انا وابو محمد
والا والله اني اتشرف بمجارات شاعر بحجمك
مودتي
نايف الحميدي09-Apr-2007, 10:34 PM
مرحبابك
يابو طايل
والشرف الي
معذور ولامنك اقصور
اخوك
أبو نجر النفيعي09-Apr-2007, 10:44 PM
ّ
صح
لسانك
يا نايف .
وننتظر
قبيلك .
اخوك .
.
نايف الحميدي09-Apr-2007, 10:46 PM
صح بدنكـــــــــــــ
يابو نجر
نورت صفحتنا
هلابك والله
مرزوق حمدان العتيبي09-Apr-2007, 10:48 PM
هلا مرحبا ترحيب لايق بالاصحاب = بموقع رجال المعرفه والشجاعه
يانايف تفضل للشعر جاك طلاب = وكلن بياخذ وزعته من ذراعه
أبو نجر النفيعي09-Apr-2007, 10:52 PM
هلا مرحبا ترحيب لايق بالاصحاب = بموقع رجال المعرفه والشجاعه
يانايف تفضل للشعر جاك طلاب = وكلن بياخذ وزعته من ذراعه
ّ
الله الله يابو محمد ..
صح لسانك يا مبدع ..
اخوـوـوـوـكـ
مرزوق حمدان العتيبي09-Apr-2007, 10:55 PM
...
.
صح بدنك .. يابو نجر :)
..
تواجدك اسعدنا ...
..
! محتميها !09-Apr-2007, 10:57 PM
ماشاء الله تبارك الله
ابداع × ابداع
ابدااااااااع متوووواصل ومتجدد
يعلم الله اني ما انبسط كثر ما انبسط اذا مني دخلت قسم المحاوره هنا
فعلاً احس بالجزاله واللعب الزززين
واصلوووا يا مبدعين
سعود العصيمي09-Apr-2007, 10:58 PM
هلا مرحبا ترحيب لايق بالاصحاب = بموقع رجال المعرفه والشجاعه
يانايف تفضل للشعر جاك طلاب = وكلن بياخذ وزعته من ذراعه
الله الله يامرزوق
صح لسانك
واصلوا ياعتابه
مرزوق حمدان العتيبي09-Apr-2007, 11:01 PM
...
.
مرحبا يامحتميهااااا..
اليوم الصفحه غير .
.
سعدنا بتواجدك.
.
مرزوق حمدان العتيبي09-Apr-2007, 11:02 PM
..
.
ارحب يابو طايل
.. سلمت ولاهنت ..
..
نايف الحميدي09-Apr-2007, 11:10 PM
اقول البقاء مني لعربين الانساب= وكلن يولم في حياته متاعه
ابشرٌك حظي طول الايام ماخاب=وغيري من الاصحاب صابه مجاعه
نايف الحميدي09-Apr-2007, 11:11 PM
محتميها
هلابك
وجودك شرف
يالغالي
رجـم النـايـف المطيري09-Apr-2007, 11:16 PM
الله الله الله
ابداع من الطرفين
ومتابعه من رجم النايف بشده
تحياتي
نايف الحميدي09-Apr-2007, 11:18 PM
هلا بك
يارجم يانايف
متابعتك اسعدتني
لاهنت اخوي
مرزوق حمدان العتيبي09-Apr-2007, 11:36 PM
اعرفك من اللي مايحسبون الاصعاب = ولكن حظ الرجل ساعه وساعه
يانايف تضد الوقت والوقت غلاب = وبعض المساعي ماوراها طماعه
مرزوق حمدان العتيبي09-Apr-2007, 11:39 PM
...
.
ارحب يارجم النايف
نزداد بهجة ً وسروراً بحضورك
....
نايف الحميدي09-Apr-2007, 11:51 PM
وانا خابرك للحرب يالقرم حراب=ولاكنٌ ماعدلك شريٌه وباعه
ترى اكبر مصيبه بينٌه حرق الاعصاب=تلكع وانا مانيب احب اللكاعه
مرزوق حمدان العتيبي10-Apr-2007, 12:01 AM
انا اعجبك في لحظات تفتيل الاشناب = ويوم ان بعض الناس تدخله راعه
ما احب التلكع وانت منته بكذاب = ياليتك تدوّر عند مقعد شفاعه
نايف الحميدي10-Apr-2007, 11:43 PM
ليا منٌها وصلت ليا حد الاعجاب= انا وانت بيت العز نرفع شراعه
علامك تحد السيف والضرس والناب=ومقعد رفيقي بٌد كل الجماعه
مرزوق حمدان العتيبي11-Apr-2007, 12:07 AM
انا اصدق معك والصدق للناس مطلاب = ومن لا يحب الصدق مابه سناعه
بنيت البيوت اللي تثبت بالاطناب = وجتها الهبوب وقلّعتها قلاعه
عمرالروقي11-Apr-2007, 02:14 AM
الله الله
عليكم مبدعين
يالحميدي صح لسانك
ولاهنت
00000000000
ويامرزوق العتيبي
صح لسانك
ولاهنت
000
نايف الحميدي11-Apr-2007, 06:45 PM
صح لسانك
يامديرنا
استفدت الكثير من هاذا المحراف
لاهنت والى القاء
مرزوق حمدان العتيبي11-Apr-2007, 08:05 PM
..
.
عمر الروقي
ارحب ونور الموضوع بحروفك
...
مرزوق حمدان العتيبي11-Apr-2007, 08:06 PM
..
.
صح بدنك يابو حمد
.. والشرف لنا ياطويل الباع
....
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
