عقاب العتيبي يتفضل مشكورا

هلا مرحبا بعقاب مسيت بالخير=تراحيب من غالي على شان غالي
ليا صفّوا العربان قدمك طوابير=تا تاقف مع الاقصين و لاّ الموالي

يدوم البقا لكن وين انت ياطير = فقدناك لك عدة شهور وليالي
ياكثر الذي فالسير ويلخبط السير = ولاله مع اهل السوق حتى الريالي

نروح ونجي يوم انت يا عقاب ما غير=علومك تجينا وانت يمّ الشمالي
عميل الردى ماله مع الناس تقدير=وانا وانت نكرم يا كريم السبالي

تروح وتجي لكن مافيه تبرير = ولاني شمال انا بروس الطوالي
زمانن تشابه فيه جساس والزير = علوم الحيا تاصلك عقب الخيالي

انا خابرك وافي ولا فيك تقصير =ولكن مال الحمل غير الجمالي
صباحه تشوف القاع كله معاصير=وابو ذيلٍ ازهر يتقن الاحتيالي

انا كاتبٍ لي فيك محضر وتقرير = تركت الاجابه يوم جاك السوالي
تريّح وبكره تسمع اللي يبا ايصير = وانا ادري وتدري مايجيلك مجالي

والا يا جماعه عيب بعض المعاذير=ترى الماقف اللي يحتميه الرجالي
اثرك اتحرّا المعتدي ينقر الزير=سوات اللذي راسه من العقل خالي

مصيبه مصيبه كان تارد على البير = وحبلك قصير ولابقالك حبالي
ترى الوضع مايحتاج يالربع تفكير = لاصاحب سمو ولاانت صاحب معالي

الفالح...


اثر نيتك نيه..

تحياتي

عقاب العتيبي

لا اوصيك...

في صاحب المعالي...

تحياتي

يا راع البعير بعيركم ما هو بعير=شداده تكسّر وانعقل بالعقالي
انا من رجالٍ فالمواقف مشاهير=ومن حقّي افخر و ارفع الراس عالي

ماينفعك تجميع الحجج والفواتير = وانا كم وكم قلت الك يابن الحلالي
وانا أرسي سوات طويق والاكما النير = لكن انت لامكسب ولاراس مالي

الأخ الفاضـــل / الفالح

كــان لي الشــــرّف بمحــاورة

علــــم وعمـــلاق من عمالقـة

هــذا المنتـدى الغــــالي علينا

جميعآ ,,,, لكـ صادق احترامي

وتقديري يابو فلاح ودمت بخير..


أخوكـ / عقاب العتيبي