حنا عرب واخوان بالاسم والدين

حنا عرب واخوان بالاسم والدين
والا القلوب مشتتـه ماجتمعنـا
رحنا لصفحات الجرايد عناويـن
والخوف نـزل عزنـا مارفعنـا
نسمع ضجيج اطفالنا في فلسطين
نسمع ولكنـا بشيـئ ٍ سمعنـا
اما تجالدنـا سـوات الكرويـن
والا نسـب وسبنـا مانفعـنـا
واموالنا توخذ منـول وهلحيـن
وحنا نبـات بجوعنـا ماشبعنـا
تقسمونا الغرب قسم الشياطيـن
من وين ماقالو سمعنـا وطعنـا
ندفع لهـم ثرواتنـا بالملاييـن
ندفع ولا يشفع لنا اللـي دفعنـا
خمسين عاماً كلها قدم ماشيـن
ياليتنا لو ربـع خطـوه رجعنـا
فينا هل الدنيا وفينا هـل الديـن
واهل العداله ضيعونـا وضعنـا
ولا فيه لا وحده ولا فيه ثنتيـن
تقطعت عـرو الدلـى وانقطعنـا
ننسى كلام الله بطاهـا وياسيـن
ونسمع يهودن بالكلام تخدعنـا
وهم يصنعون النا سلاح ٍ بحدين
وحنا لهم طول الدهر وش صنعنا

للشاعر : مبارك الغنامي

صح السااااااااااانك والسانه

شكرالك

صح لسان الشاعر / مبارك الغنامي

ولاهنت على النقل الموفق يالغالي ..

تحيتي
...