طااغور !! للشاعر المبدع د. حمد العصيمي

كومة اوراق وسيجاره وقداحه= كل ما اشعلها من الضيق طفاها
شاعر لا حرك اطراف مسباحه= جات حباته تسابق من اقصاها
وصفها كنه عناقيد تفاحه=نزلتها الجاذبية من اعلاها
حولت ما بين اصابعه با الراحه=وابتلش ما يعرف ايتهم احلاها
وانتحى الليل وطفى ضو مصباحه=واسدل جفونه على العين وارخاها
والظلام لحاف والارض طراحه = كيف يكتب له قصيده ويقراها
يا هني الطير حوران بجناحه= كلما ضاقت به الارض خلاها
ما يرده يمها غير ملواحه= والطرايد يوم عينه تحلاها
حر نفسه في مجيه ومرواحه= لو تسابقه الهبايب تعداها
عينه الرادار والمخلب سلاحه=كلما دقق فا الاهداف ما اخطاها
ما طلب رزقه من يدين شحاحه= حيثما دور للارزاق يلقاها
وانت يا طاغور قربتك نضاحه= من زمان العام مقطوعه عراها
تطلع المرقاب وتحول الساحه=ما لقيت الحاجه اللي تمناها
والصدور قبور والعين فضاحه=تكشف النظره وتبدي خفاياها
ما بقي من مركب الهند والواحه= غير خمس الواح تسبح على ماها!





الشاعر الدكتور / حمد العصيمي ..

صح لسان الشاعر حمد
ومشكور محمد على الاختيار الجميل ..

ابو نوااف

تواصلك يشرفني يالغالي

شكرا جزيلا لك ياغالي

تحيتي
...

ابدااااع غير مستغررب من الشاعر الكبير الدكتووور / حمد العصيمي

تشكر يامحمد على النقل وبيض الله وجهك

الاصمعي

اشكرك على مرورك الرائع


تحيتي لك
...

ياسلام


الله اكبر على هالشاعر الجميل


د . حمد العصيمي


شاعر مبدع ومميز


قرأت له الكثير من القصائد الجميله


يمتلك اسلوب مختلف ومتميز عن بقية الشعراء

لله دره


وجعل يمناك تسلم على جلب هذه الرائعه يامحمد

قصيده رائعه بما تعنيه الكلمه

صح السان الشاعر د.حمد العصيمي


لاهنت يامحمد العتيبي على النقل الموفق

تقبل مروري

صح لسان الشاعر الكبير ..الدكتور / حمد العصيمي ..

ولاهنت يامحمد على النقل الموفق..

.....

عمر العتيبي

اشكرك على مرورك وتواصلك الرائع ..

تحيتي
..

أبو مرحبا

اشكرك على مرورك الرائع ..

تحيتي
..

هايل العتيبي

اشكرك على مرورك الرائع

تحيتي
..