مساجله

هذه القصيد موجهه من الشاعر الكبير هايف العضياني الي عبدالله المرشدي ونقول صح لسانك يبو فيصل وبيض الله وجهك







أنـا بسـوق القافيـه للمشاهيـر=اللي لهم في قمـة الشعـر طالـه
اللي بشعره فـاق كـل الشواعيـر=يمتـاز قافـه بالوفـا والجـزالـه
عبدالله الروقي زبـون المخاسيـر=والرجل قالو طيبتـه مـن خوالـه
يالمرشدي قلي عسى وضعك بخير=من عقب وسط السوق شفت النذاله
السوق صـار مضاربـه للهوميـر=وأشوف لي هامور يلعـب لحالـه
راحت دراهمنا وفي حـزة عصيـر=والمال جاء هامور مسرع وشالـه
حاولت ارد المـال مافيـه تقديـر=منـه يلـوم اللـي يـدور حلالـه
واليوم مابالسوق ياصاحبـي خيـروالكاسب اللـي ردلـه راس مالـه
ماهمنـي فالبـاب دق المسامـيـر=ومن طول حبالـه نقصـر حبالـه
أرد على هداج واشرب من البيـر=ولاني من اللي في أخر الوقت عاله
الوقـت معطينـا دروس وتعابيـر=واليـوم حنـا حافظيـن الرسالـه
ومن لا رفع راسه وله ماقفن غير=وألا ترى الايـام تطمـس مجالـه
ماعاد فيها تدهن السيـر ويسيـر=واللـي يـدور شـئ يلقـا بدالـه

صح لسااان ابو فيصل

صح لسااان الشاعر الكبير / هايف العضياني ..

ولاهنت يالغالي ماقصرت ..

مجارات الشاعر هايف العضياني






أنـا بحكـم القافيـه للمناعـيـر=حكم من الهاجوس حـل أجتوالـه
يامرحبا وعـداد نبـت النواويـر=ويامرحبـا وعدادشـئ طـرالـه
بالشاعر اللي فور الـدم تفويـر=اليا بـدا بالقـاف يبعـد مقالـه
إمطور معنـاه بالشعـر تطويـر=وبينه وبين الشعر صدق وزمالـه
جني بيوتـه كالـدلال المباهيـر=أبيـوت شعـر مادخلهـا هزالـه
هايف ولد عاضي رفيع المواكيـر=حـر مواقيعـه بعالـي اجبـالـه
له ماقع يبعد عن اعوير وصويـر=يبعد عن اللـي مايميـز خمالـه
ياهايف الدنيـا تراهـا مشاويـر=تعطيك در س عن الوفا والبطالـه
ونكان تنشدني عن السوق ماحير=السوق دحدر مامشـى بالعدالـه
وانت السبب لي فيه ياسالم الزير=نصحتني بالسوق واثـره زوالـه
سوق هواميره سوات المعاصيـر=سوق لقيت أبه البـلا والجهالـه
كل على كيفـه يـدق المزاميـر=واظن بعض الناس مالـه نكالـه
لوكان به شركات ياصاحبي غيـر=سابـك سهمهـا مالقينـا بدالـه
مير البلا بعض السهوم المحامير=نكس سهمها والسبب من رعالـه
حتى مدير السوق مايفهم ايديـر=ياليت عن سوقه تجيـه استقالـه
وانته ونا من عرض ناس مشاكير=ودنياك هاذي مامشـت بالكمالـه
الكامل اللي مانبي غيـره امشيـر=اليا كتـب للعبـد شـئ عطالـه


وسلامتكم واشكر الشاعر أبوفيصل

صحت ألسنتكم مساجله رائعه من شعراء عمالقه ومشكورين

صحت السنتكم جميع وجميعكم مبدعين ..

تحيتي لك
..

صحت ابدانكم جميعا والله لايهينكم

صح لسااااااانك ياعبدالله


وحياك الله