محاورة بن عتقان وشاعر الخليج صياف الحربي

عبدالله بن عتقان
سلامي على اللي شرفوا حفلة الاستاد=فهد راعي الوقفات والمذهب الوافي
تقابلت مع صياف صدفه بلا ميعاد= وأنا بنتهزها وأخذ أخبار صيافي

صياف السحيمي
هلا مرحبا مليون يالطرقي النشاد= ياراع العلوم البيض والمنهج الصافي
تقابلت مع صياف كنك ولد عواد= تبا تقضي المشوار وتروح متعافي

عبدالله بن عتقان
بعد قاعدوك الربع ياريس الأفراد= أخير إلك تال الوقت تسعى وتطافي
ولو مت في شعبان وألا بشهر جماد= ترى يفرح العتبان موتك والأشرافي

صياف السحيمي
الا واخسارة من ركبها بغير إشداد=تحول به الغبه ولا عاد ينشافي
أنا معتبرها هرجه ودله وبراد=ولا اسري ظلام الليل بالمشعل الطافي

عبدالله بن عتقان
ألا واخسارة قل صياف مايزداد= أشوفه يقدمها على أرباع وأنصافي
إذا ثوب اللي لابسه يالسحيمي باد=على البنك ماتصلح ياصياف صرافي

صياف السحيمي
بلش في قرون الثور عنتر ولد شداد= يواذيه قعادي ويوذيه وقافي
بدف العرب من قدم وأدفهم من غاد=وكلٍ يدور قبره البارد الدافي

عبدالله بن عتقان
أشوفك نويت الشر ياطاغية بغداد=ياكافي من اللي يبعث الشر ياكافي
تهرج وسولف ياجوديٍ من الأجواد=وانا يالسحيمي منك ماضاق محرافي

صياف السحيمي
ثلاثين بندق ثوروها بدون أزناد=وأنا جيتهم دكتور مير المرض خافي
تراني بسولف معك لجل الملح والزاد=لعلك يأبن عتقان رجال وسنافي

يعطيك العافيــة ..

محاورة رائعة ...



تحياااااااتي

محاوره جيده ولشاعر علم
تسلم يمناك ويعطيك العافيه

عيال الشايب

===

الف الف شكر لك على المشاركة الرائعه والجميلة