ياسلام الله سلامٍ ينومس من بداه "

ياسلام الله سلامٍ ينومس من بداه=سنةٍ للمطـفـى والرجال الغانمين


يكرم اللي يبتدي به ويكتب له جزاه=وجواب رده ترى كل وقت وكل حين

مرحبا ترحيبت ن مثلها با الاتجاه=كان تحذف فى يسارك وتحذف با اليمين

يا النفيعى كل بيرن ومعروف ن غطاه=السوالف هاتها والذهب دايم ثمين

صحت السنتكم جميعا


و متااابعين للابدااع

^

الله اكبر

صحت الالسن ياشعراء

ابداااع

..

الشهرانى لاهنت والابداع ذوقك ووجودك تحباتى

هايل العتيبى شرفت الصفحه يا الغالى شكرا وتقبل تحياتى

البقا بك يالمرحب وكلٍ من مزاه=الكريم يبين وايضاً ترى العاصي يبين

والذهب كنز ثمين ٍ وغالي مشتراه=مايناله يالبشيري بخيلين اليدين

من علامات القيامه ليا شفت الرعاه=يلبسون الجنز ويشمرون الساعدين

مانحب الشاهى الى منقص فى حلاه=كان لك عقل ن سليم ن ولك قلب ن فطين

صح لسانكم ياشعارنا

ومن علامات القيامه ليا شفت الدعاه=يأكـلون حقوق الأنسان وهمه ملتحين


تكـره والا تحـبــه تـبـا تجـــبر عــلاه=ماتعذر منك أحد والأاودم منتهين

يأكلون حقوق الأنسان وهمه ملتحين نعم نعم

صح لسااااااااااااااان يالذئب على هذا البيت

وصح لسااااااااااااان البشيري

لالقيت ارزاح فا الدرب مزرى با الحصاه=تبذل المجهود ولا تمر بنص عين

العتيبى مابغينا نبين له خطاه=وده انه فا البلد جامعن دنيا ودين

أبذل المجهود دايم ولي قدر وجاه=مع رجال الدين وافي على مر السنين


والعـتيبي والله أنه رفيع مستواه=مسلم مؤمن وهو من رجالٍ مصلحين

كلبونا من شبا به وكلن له عباه=كلمة التوحيد عليا وضد العابثين

لاتجى فا الموقع الى يجيب الاشتباه=يزهمك لسالفه ياحسن ولاحسين