22-Sep-2010, 06:57 PM
هذه القصيده قلتها في وكيل الفوج الثامن الشيخ نايف بن ضاوي بن فهيد وسبق ان تشرفت بألقائها امامه واتمنى ان تحوز على اعجابكم جميعاً
يامرحبا ترحيبتن مالها قياس
باهل الوفا والجود واهل الوقاره
حياكم الله عد ماهب نسناس
واعداد مانجمن سرا في مساره
قلته عنلي وقفته ترفع الراس
نايف حفيد المجد ساس الاماره
اميرنا الي كاسبن كل نوماس
الشامخ الي منزله فصداره
ملفن لمن يشكي من الضيم والباس
حلال صعبات الامور بجداره
ضلعن سواة طويق بكهوف ورواس
يذري وينجي من يجي وسط غاره
لوللمراجل تاج ومسابقة كاس
يجيبها نايف شموخ وجباره
نفخر ببن ضاوي وصيته مع الناس
كوكب سماوي ماتغير مداره
امارته ميراث جدان من ساس
مهيب امارة وارثين الكباره
حفضك ربي للشيابين نبراس
امير مايشبهك مدحه خساره
ينصونك الاجناب من كل الاجناس
وانته وكيل الفوج رافع شعاره
هذا كلام الصدق ماني بهلاس
والعلم للعراف نبذه وشاره
وختامها صلوا على صفوة الناس
واعدادماهبت ذوار الزباره
---------------------------
الشاعر سلمان بن نايف بن جفين العرم الشيباني
يامرحبا ترحيبتن مالها قياس
باهل الوفا والجود واهل الوقاره
حياكم الله عد ماهب نسناس
واعداد مانجمن سرا في مساره
قلته عنلي وقفته ترفع الراس
نايف حفيد المجد ساس الاماره
اميرنا الي كاسبن كل نوماس
الشامخ الي منزله فصداره
ملفن لمن يشكي من الضيم والباس
حلال صعبات الامور بجداره
ضلعن سواة طويق بكهوف ورواس
يذري وينجي من يجي وسط غاره
لوللمراجل تاج ومسابقة كاس
يجيبها نايف شموخ وجباره
نفخر ببن ضاوي وصيته مع الناس
كوكب سماوي ماتغير مداره
امارته ميراث جدان من ساس
مهيب امارة وارثين الكباره
حفضك ربي للشيابين نبراس
امير مايشبهك مدحه خساره
ينصونك الاجناب من كل الاجناس
وانته وكيل الفوج رافع شعاره
هذا كلام الصدق ماني بهلاس
والعلم للعراف نبذه وشاره
وختامها صلوا على صفوة الناس
واعدادماهبت ذوار الزباره
---------------------------
الشاعر سلمان بن نايف بن جفين العرم الشيباني
