يامرحبا ترحيبة البدو بالبرق * أبن فطيس *

أحدى قصائد الشاعر ( محمد بن فطيس المري )





يـا مرحبا ترحيبـة البـدو بالبـرق = اللي لهم عاميـن مـا رحبـوا بـه


رحب به اوسطهم ومن فرحته غـرق = جفنه بدمـع بلـل أطـراف ثوبـه


البرق شرق وهو له صويحبً شرق = وبرق بـصـدره بـارق ًمادروبـه


ياللي سرقت النوم والعافيـة سـرق = يازاد قلب اللـي هـواك وحروبـه


تغيب ماهمك وأنا ألاحـي الـورق = ولا تخـاف مـن الجفـا والعقوبـه


الوصل مرهم كبد وإلا الجفا حـرق = والصبر ينفض في غيابـك جيوبـه



كسرت كل أبواب وصلك من الطرق = وغيرك طرق قلبي ولانيب صوبـه


واللي يريد الوصل يامكثر الطـرق = لو وقفوا كل العـرب فـي دروبـه

مشكوور يالغالي ماقصرت ..

العتيبي فالح
مشكور على هذا النقل الجميل