الشر والخير
السبيعي فلاح25-Nov-2010, 04:26 AM
صباح الخير جميعاً؟؟الله يحيي من يجي؟؟
لحن الطاروق على ألحان الشاعر الكبير احمد الناصر؟؟
سلام تسليمةٍ ترضي عتيبة والمسايير=في منتدى العزوة اللي فعلها كلن درابة؟؟
اللي يبا يلعب ؟الطاروق بين الشر والخير =والشر والخير مختلفات مافيها تشابه؟؟
فارس المورقي25-Nov-2010, 05:00 AM
يامرحبا بالضيوف الي لهم حشمه وتقدير = فالحله الي لها عند العرب قدر ومهابه
الخير مانكرهه والشر من دونه محاذير = والي يبا الشر يلقى شر مانحسب حسابه
عيد العازمي25-Nov-2010, 05:04 AM
اللي يبا يلعب ؟الطاروق بين الشر والخير =والشر والخير مختلفات مافيها تشابه؟؟
الخير مانكرهه والشر من دونه محاذيـر
والي يبا الشر يلقى شر مانحسب حسابه
كبار كبار ولعب ينومس
فلاح ..... فارس
صحت الالسنه يامبدعين
فارس المورقي25-Nov-2010, 05:15 AM
هلا ومرحباا ياعيد العازمي
صح بدنك وبيض الله وجهك ياشاعرنا
لاهنت ولا شنت
السبيعي فلاح25-Nov-2010, 05:27 AM
يامرحبا بالضيوف الي لهم حشمه وتقدير = فالحله الي لها عند العرب قدر ومهابه
الخير مانكرهه والشر من دونه محاذير = والي يبا الشر يلقى شر مانحسب حسابه
دام البقا فيك والليلة مانحسب للمخاسير=يافارس الليلة المسرى مثل مسرى الذيابة؟؟
قال المثل لو دهنت السير يارجال بيسير=وانا ترى مقصدي نهج الشريعه والصحابة؟؟
ابراهيم الجـــــذع25-Nov-2010, 05:46 AM
صح السانك يا فلاح
وصح السان فارس
مبدعين وحنا متابعين
السبيعي فلاح25-Nov-2010, 05:49 AM
صح السانك يا فلاح
وصح السان فارس
مبدعين وحنا متابعين
مرحبا ياابراهيم الجذع وصح بدنك تراني سلمت عليك وانت تلعب مع عيد لكن اكيد انه نساك متابعة الردود ههه هه
ابراهيم الجـــــذع25-Nov-2010, 06:02 AM
لا والله انا رديت رد على الجميع
فارس المورقي25-Nov-2010, 06:05 AM
مانحسب حساب ابو نواس ولا سالم الزير = مادمت اشوف النجوم الي تغطيها السحابه
لن كان عندك سوالف هاتها من غير تاخير = ماني بخابرك تجهل فالقرايه والكتابه
فارس المورقي25-Nov-2010, 06:07 AM
هلا ومرحبا حيالله شاعرنا ابراهيم
صح بدنك لاهنت ولاشنت
ومتابعتك تشرفنا
السبيعي فلاح25-Nov-2010, 06:08 AM
لا والله انا رديت رد على الجميع
انا مانيب من الجميع؟؟؟هههه هه تسلم طال عمرك؟؟؟امزٌح؟
السبيعي فلاح25-Nov-2010, 06:30 AM
مانحسب حساب ابو نواس ولا سالم الزير = مادمت اشوف النجوم الي تغطيها السحابه
لن كان عندك سوالف هاتها من غير تاخير = ماني بخابرك تجهل فالقرايه والكتابه
تقولها وانت يافارس ترى مثل المناعير=تلعب سوات الذي يلعب على قوس الربابه؟؟
لاتارد البير؟ وحبالك قصيرة تارد البير=وان قلت لك وين غازي؟ قلت لي يم اللهابه؟؟
فارس المورقي25-Nov-2010, 06:47 AM
خلك على حالتك هذي وسدد فالفواتير = كلن يفصل على قده يابو خالد ثيابه
الشارع الي على خطه تحطون المسامير = ياخنذف العلم مايخفى على حضرت شبابه
السبيعي فلاح25-Nov-2010, 07:12 AM
لاترخي اذنيك يافارس تدور للمعاذير=منته ابمعذور يافارس ولافيها طلابه؟؟
كلت المطبات يافارس ولافي الخط تدوير=والداب لاهاش اناياالمورقي طقيت نابه؟؟
فارس المورقي25-Nov-2010, 07:31 AM
ههههه
الحرٌ ماياسعه ياصاحبي عش العصافير = الي ليا هبت الحايه تشيله من ترابه
فلاح يحلم و يبغاني ادور له تفاسير = لكن انا مانويت اسل سيفي من نصابه
السبيعي فلاح25-Nov-2010, 07:48 AM
ههه
والذيب جلدة يافارس غير جلد الماعز وغير=هذي حقيقة ولاتنشد بعد عنها عتابه؟؟
خذ راية المورقي ملفي ومابين الطوابير =لوح بمسباحك وطش العمامة والعصابه؟؟
فارس المورقي25-Nov-2010, 08:07 AM
الذيب ياسبيع يبقى ذيب والخنزير خنزير = علم بها ياطويل العمر ربعك والقرابه
المورقي ماعليه قصور وعلومه سواطير = عسى سبيع العزيزه عندهم واحد مشابه
فلاح السبيعي
صح لسانك وبيض الله وجهك
الليل سرى والصلاة على وشك الاقامه
تشرفت باللعب معك وتصبح على خير
السبيعي فلاح25-Nov-2010, 08:28 AM
الذيب ياسبيع يبقى ذيب والخنزير خنزير = علم بها ياطويل العمر ربعك والقرابه
المورقي ماعليه قصور وعلومه سواطير = عسى سبيع العزيزه عندهم واحد مشابه
فلاح السبيعي
صح لسانك وبيض الله وجهك
الليل سرى والصلاة على وشك الاقامه
تشرفت باللعب معك وتصبح على خير
صح بدنك ووجهك ابيض يافارس المورقي وتشرفنا باللعب معك وتصبح على خير؟؟
