ليلة جابت ولد شلاح من خير الليالي..ناصر

من لسان الشاعر اللي لاحضر دك الجبالي=ياسلام الله على كل الحضور من القبيله
وليلةً جابت ولد شلاح من خير الليالي =مرحبابه عد مابل الثرى وبل المخيله

الله الله

صح لساانك

وننتظر ناصر,,,

ياسلام ياسلام

صح لسانك يابن عطيه وصح لسان ولد شلاح مقدماً

صح بدنك يانواف الشيباني

صح لسانك يا شهاب العطاوي انتظرني يجيك الرد
و الاتصال احيانا ينقطع ويحرجني مع الشعار

صح بدنك ياولد عساف

صح بدنك ياناصر ومايكون الا خير

من لسان الشاعر اللي فاللوازم ما يبالي = بارك الله فالزميل اللي يبا هرجه زميله
اعتبرني معك و اجيب الاجابه لسوالي = لين نعرف منهو اللي منتصر ما فيه حيله

الله الله


عليكم يا شعار واصلو


ولي متابعه لآحقه

نواف الشيباني
ولد عساف
عبدالكريم العازمي

صحت ابدانكم جميع لا هنتو على مروركم

المطيه عن هواها لاتعقل بالعقالي =سوقها وانته عميلٍ مايخالف مع عميله
كل مازان القمر في طلته عود هلالي =يخلف الله للعيون اللي تحوقه كل ليله

عبدالكريم العازمي حياك الله بكل وقت

يا شهاب انته معك عتبان ولا انا لحالي = لا يضيع الزاد من يمناك و الطرقه طويله
اخذ من بحر الشمال اللي ورا القطب الشمالي = لا تقول ان الامور مسيره باهون وسيله

خابرك منت بشريك بمكسبي وبراس مالي =واعرف اني من فصيله وانت ترجع في فصيله
المطر مبطي علينا والبحر ماهوب حالي =والجمل شقران حمله مال وازرى لايشيله

ما نويت اشاركك و اللي طرالك ما طرالي = كل واحد معه زند يشب في راس الفتيله
انتظر لين الهبوب اتهب و يميل العقالي = ثم كلن ياجد المقسوم و يعبي شليله

مانلوم اللي يقول الحق من بين الرجالي =لومنا للي يقول الماء تغطيه النثيله
والله انا مانباها هامله من دون والي =وانت تعرف شرهتي لاعودت ماهي قليله

شهاب والله إنك مبدع ولاهان زميلك


مكانك في الميدان

محمد بن روق الابداع مرورك وفخر لي انا وزميلي

يا عسانا ما تجينا المنقده فاول و تالي = البنادم يبذل المجهود و الخالق وكيله
يمكن انك ما تحصل لا جنيه ولا ريالي = و انت لا صاحب سعاده يا شهاب ولا فضيله

اطلب الله فالخفا يبعد مجالك عن مجالي =يمكن انك تسري الليل الظليم بلادليله
وقتي الحاضر يسير موجته وقتٍ مضالي =وكل رجل يرجع لماضيه ويحصل حصيله

صحت اللسنتكم

صح بدنك يا اخوي الرحماني

اطلب الله يبطي الغالي وهو لا زال غالي = يسرح الواحد و يضوي محد ياقف في سبيله
وقتك الحاضر تمام ولا عليك ايا ميالي = مع طلوع الشمس ما يطلع معنين الاصيله

صح لسانك ياناصر وبيض الله وجهك ولافيك حيله والشكر موصول لجميع من مر متصفحنا من زملائنا الكرام

صح لسانك ياشهاب و اشكرك على دعوتي لهذه المحاوره
الله يوفقك و جمبع من مر

المطر مبطي علينا والبحـر ماهـوب حالـي
والجمل شقران حمله مـال وازرى لايشيلـه

ياسلام ياسلام

كذا الشعر

صح لسانك ياشهاب

ولاهان خويك

الله عليك

مشكوووووووووووور

صح الله السنتكم



وتقبلو مروري

الله الله

شهاب العطاوي @@ ناصر الشلاحي

صح اللسانتكم يا مبدعين

طاروق رائع بروهعة شعراءه

خالص التقدير