حسبي على تركي حداني على الزين

حسبي على تركي حداني على الزين
عصر الاحد في وسط سوق البوادي

قال اتجه له واترك الخوف بعدين
اليوم يومـــك لا تصيح وتنادي

مشيت له والقلب ما بين نارين
وقفت وقفت من تحرى الهجادي

قلت ارحمينا فالمحبه مساكين
انا وابن عمي هذاك الزيادي

وأنا تراني كاش وأملك ملايين
وتركي عسى الله لا يضره زبادي

قالت عطوني رقمكم واحفظه لين
اشوف موعد كان تبغا معادي

من فرحتي ضاع الرقم جعله الشن
وقمت اتخبط في جهازي وانادي

يا تركي الحق صاحبك لا تخلين
ضحك علي وقال يا هوه عادي

يقولها ما شاف رمش وحجاجين
انشهد انه من بعد ذيك غادي

اثر الهواوي تذبحه نظرة العين
ومالوني لو همت فيكل وادي

لا ياشبيه اللي كفخ بالجناحين
ما برقعوه أهل القنص فالمزادي

هاك الرقوم وهاك باق العناوين
وانا على نار انتظر يا مرادي


بقلمي