إبن مغيليث أله حق ٍ على كل المشاكيل ( نقاء بن عباد العازمي ) ،،

ياخالق الكون ولعها من افكاري قناديل
على طريق الخيال اللي يمر بساحة البال

مادام للشعر وقفة موجز ٍمن دون تفصيل
وانا على الشف حضرة عاشق ٍمن دون عذال

ادري خيالي شجاع ونصف ركبه قرح الخيل
واللي مقاضب يديه ضعاف تومي به على الجال

والبيد معها لركب القوم قدامي مداهيل
لاشك مارضى جميع الناس من سوى ومن قال

ماجيت فيها رسول ولامعي توراة وانجيل
ولانيب ساحر واخيل للبشر بعصي وحبال

شاعر واضلل خيالي من ضلال الصمت تضليل
لين العوارف تهد طيورها وتقيس الفعال

واهد طير ٍ يعرف الصيد ويعرف المحابيل
يقرى رصيدالتجاير في وجيه رجال الاعمال

والله جعل في مقاييس العطا قسمه وتفضيل
كما عطا الشين شيٍ ماعطاه النون والذال

من دون قوة جليل الملك لاقوه ولاحيل
مهما يحاول طموح النفس من حيله ويحتال

وان جيت ياالبدر في عزالنهار وفاتك الليل
كبرت صغار النجوم وجالها فاالكون منزال

انهض جناحك ورد عدالروى واشرب من النيل
مادام عندك من النخوه سند وامجادك افعال

ودروع جنبك سيوف ساعت الفزعه مصاقيل
على مدارالزمان ومعرفتهم فك الاقفال

في ساعة الضيق حدايه ونقالة زواميل
على صدا صوت زيرالحرب يوم يدق موال

ان شفت وجه الزمان خصوم وحججهم مفاتيل
اودع بها اللي لصعبات الكرب والعقدحلال

ان صارلك حق فالضلم ابرهه والحق ابابيل
والفوز والعز للي عن طريق الحق مامال

احرق وجار القصيد وحط للهاجس معاميل
وحكر لراسك لياشفت لعماس الصلف فنجال

وارتك على اقوا جبل من بين نزوات الاقاذيل
اللابه اللي مكاسر جودها في كل مكيال

تعط العطا من يدين ماتمل وتذبح الحيل
والشوش والهوش والنخوه صفات العم والخال

حنا عتيبه ولزمتنا المواقف يارياجيل
واللي يكب اللزوم اللازمه ماهوب رجال

الرجل يعطي بكفه لين ترتج المكاييل
وان خالفتنا المواقف لاحياة لكانز المال

وابن المغيليث له حق على كل المشاكيل
الطيب ورثه ومن جده وابن جده ولازال

وان قالها الله وصل وارها لصعبات المواصيل
وان صار ماصار مايطري الحسايف غير الانذال



نقاء بن عباد العازمي



[صورة غير متوفرة]

..

صح لسااااااااااااااااانه

مافيها كلام المغيليث له حق علينا كلنا والله يوفقه اليوووم
والعتبان قدها باذن الله وبيفوزونه