ســــوالـــف الطيبيــن !!!!!!

هذه سالفة واحد راح يم البقاله وشاف له بنت عندها
وعلق بخاطره ما علق من تجدد الشعور بايام الشباب ..
ومع التحفظ على ابداء الرأي بمثل هالامور..
اورد لكم هاتين القصيدتين اللتين تشرحان نفسيهما دون تعليق مني ..









راكب اللي زاهي لونـه موديلـه
وارد بأسم الوكيل مـن الوكالـه
جمس يقطع مجرهدّ القاع ويلـه
مشترينه نقد ، ماهـو بالكفالـه
سايقه لو يسري ابظلمـه دليلـه
عارف(ن) يمة جنوبه من شماله
نصّها اللي عملته تبغي عميلـه
في جميع المملكه ماش ٍ ريالـه
ياصحن ، من له رفيق يشتكي له
والخبر واصلك في بطن الرساله
مل قلـب فيـه دقـات تشيلـه
مثل دقه عود عبـد الله فضالـه
من سبايب ورعةٍ جتني طويلـه
يا صحن وافقتها عنـد البقالـه
صوبت قلبي ولا بيـديّ حيلـه
والخطيه عندهـا مثـل الجمالـه
أن تبعناها مع الشـارع فشيلـه
وأن فعلنا، (فوقنا حكم العدالـه)








الحاصل وصلت القصيدة
أرسلها لرفيقه اللي أسمه صحن ، طبعاً الشاعر اسمه (فلاح العراك)
والشاعر الثاني اللي رد عليه هو ( صحن بن قويعان )،
صحن يوم وصلته القصيدة .. طالعها وإلا هو يعرف رفيقه
اللي قال القصيدة أنه رجال كبير ومفروض يصير بعيد عن هالسوالف..
وشو له يروح البقاله وليش يطالع ..
ما يدري أن ها الشيء هذا ما كان قدامه موافقه
وهي كلها مداعبات طبعاً كلهم رجال عقّال لاهذا ولاهذا لكن
رد عليه ذاك وقال :









مرحباً وعداد مـا تنشـي المخيلـه
وعـد بـراق تنثـر مـن خيالـه
يوم جانـي خـط كسـاب النفيلـه
كني اللـي شايفـن غالـي عيالـه
حاضـر لرسالتـك لوهـي ثقيلـه
مير صارت من فضل ربي سهالـه
أبو راجح عاشق من غيـر جيلـه
جاه من رده علـى سـن الجهالـه
يافلاح العشـق مـا يرحـم قتيلـه
واجد اللي فيه يشكي ما جرى لـه
أنشد اللي شايـف عدلـه وميلـه
قد عرف عدل الصحيح من العدالـه
وش تبي بالسوق يوم أنك تجي له
من طمع بالبـوق لا يأمـن نكالـه
ولا تفيدك فزعتـي بأيـة وسيلـه
دام راعي المال ما أرخص حر ماله
لا تكاثر من خطـا شقـرا جديلـه
قبلك الهزان وقته مـا صفـى لـه
حولنّـه بالركيـه طــول ليـلـه
وكل فرض قام يطلـع مـن حبالـه
والهوى بلشاته أكثـر مـن قبيلـه
من ضرب سوق الهوى يبلش بحاله
الهوى لي وقت أنا داعـي سبيلـه
معطي المطنوخ منـي لـه حوالـه
وأحمد الله يوم جا الهاتف حصيلـه
قد طويت أرشاي وأدرجت المحالـه

الف شكر اخوي سيف العدل على هالقصه ولقصيده
المتميزه يعطيك العافيه

احب ان اقدم الشكر الجزيل على هذه القصة البسيطة والممتعة في نفي الوقت ونتمنى اكثر واكثر

[ شكرا ونتمنى اكثر واكثر .............

الله يعطيك ألف عافية أخوي فتى الروم

تحياتي

ياربع اللي كتب القصه اخوي سيف العدل

يعطيك العافية

ما قصرت يالغالي

تحياااااااااتي